اسلام آباد: سعودی سفارتخانے نے ملک بھر کے باصلاحیت نوجوانوں کے لیے ’پاک سعودی تعلقات‘ پر ایک مختصر ویڈیو مقابلے کا اعلان کیا ہے۔
سعودی سفارت خانے کے آفیشل ٹویٹر ہینڈل اکاؤنٹ کے مطابق ’اس صحت مندانہ مقابلے کا انعقاد پاکستان کے پہلے صدر غلام محمد کے مارچ 1953ء میں کیے گئے سعودی عرب کے دورے اور شاہ عبدالعزیز سے ان کی ملاقات کی 70 ویں سالگرہ کی مناسبت سے کیا جا رہا ہے‘۔
مارچ 1953 میں، پاکستان کے پہلے صدر جناب غلام محمد کے دورہ سعودی عرب، اور شاہ عبدالعزیز سے ان کی ملاقات کی 70 ویں سالگرہ کے موقع پر، ہم باصلاحیت نوجوانوں کے لیے ایک شارٹ وڈیو مقابلے کا اعلان کرتے ہیں۔
تفصیلات اشتہار میں 👇سب کے لیے نیک خواہشات۔
🇸🇦🤝🇵🇰 pic.twitter.com/IevO1gMHI1— السفارة في باكستان – سعودی سفارت خانہ (@KSAembassyPK) February 24, 2023
مقابلے کی شرائط:
مقابلے میں شرکت کے خواہشمند کی عمر 30 سال سے زیادہ نہیں ہونی چاہیے، ویڈیو کا دورانیہ دو منٹ کا ہونا چاہیے جس میں پاک سعودی تعلقات کے مرکزی موضوع پر توجہ دی جائے، ویڈیو عربی، اردو یا انگریزی زبان میں ہو سکتی ہے۔
ویڈیو جمع کرانے کی آخری تاریخ 10 مارچ ہے، اور اسے [email protected] پر ای میل یا واٹس ایپ نمبر3111014 325 92+ پر بھیجا جا سکتا ہے۔
انعامی رقم:
اس مقابلے میں پہلے نمبر پر آنے والے کو 2,000 ڈالر، دوسرے کو 1,500 ڈالر ، تیسرے کو 1,000 ڈالر اور چوتھے سے دسویں کو 500 ڈالر دیے جائیں گے۔
