پاکستان سپر لیگ (پی ایس ایل ) سیزن ایٹ میں شاندار کارکردگی کامظاہرہ کرنے والی لاہور قلندرز کی ٹیم پر انعامات کی بارش کردی گئی۔
لاہور قلندرز کی انتظامیہ نے کوئٹہ گلیڈی ایٹرز کے خلاف میچ میں غیر معمولی کارکردگی دکھانے پر کھلاڑیوں کوانعامات سے نوازاہے اور اس حوالے سے قلندرز کے سی ای او ثمین رانا نے انعامات کااعلان کیا۔
لاہور قلندرز کی انتظامیہ نے کوئٹہ گلیڈی ایٹرز کے خلاف میچ میں مرد میدان رہنے والے سکندر رضا کو قلندرز سٹی میں پلاٹ کاتحفہ دیا ہے جبکہ راشد خان کو بہترین فیلڈنگ پر آئی فون تحفہ میں دیاگیا ہے اوراس کے علاوہ بولنگ میں کارکردگی کامظاہرہ کرنے پر حارث رؤف کو سال بھر کے لیے اسٹار لیٹ شوز کاتحفہ دیاگیا ہے۔
New iPhone 14 Winner – Qalandars City Plot – Another Prize added for Players #LQvQG #HBLPSL8 #sochnabemanahai #qalandarhum #QalandarsCity pic.twitter.com/z2g49w58tg
— Lahore Qalandars (@lahoreqalandars) March 3, 2023
واضح رہے کہ اس سے قبل بھی لاہور قلندرز کی جانب سے کارکردگی کامظاہرہ کرنے پرفخر زمان کے لیے قلندرز سٹی میں پلاٹ کااعلان کیا جا چکا ہے اوراسلام آباد یونائیٹڈ کے خلاف پرفارمنس پر ڈیوڈ ویزا کو بھی قلندرز سٹی میں پلاٹ بطور تحفہ دینے کا اعلان کیا گیا تھا۔
