چیئرمین پاکستان پیپلز پارٹی بلاول بھٹو زرداری نے کہا کہ پاکستان کو سنہ 2024 کو حیات نو کی ضرورت ہے جہاں ہم اپنے وطن کے ہر حصے کی تاریخ، ثقافت اور زبانوں کی ملکیت قبول کریں۔
لائیو : چیئرمین پاکستان پیپلز پارٹی بلاول بھٹو زرداری حیدرآباد میں شیخ ایاز میلے کے افتتاح کے بعد تقریب سے خطاب کررہے ہیں https://t.co/gF7QmSeDiX
— Pakistan Peoples Party – PPP (@PPP_Org) December 21, 2023
قلم تلوار سے زیادہ طاقتور ہے اور جب جب ملک کے شاعر نوجوان ادیب جاگ جاتے ہیں تو اس کا راستہ کوئی نہیں روک سکتا۔
حیدرآباد میں منعقدہ شیخ ایاز میلہ سے خطاب کرتے ہوئے بلاول بھٹو زرداری نے کہا کہ اس میں کیا حرج ہے کہ ہم اپنی تمام زبانوں اور بولیوں کو ترویج دیں اور انہیں تعلیمی اداروں میں سکھایا جائے اور ہر زبان بولنے والوں کو اپنی اپنی زبانوں کی اونرشپ دیں۔
مزید پڑھیں
بلاول بھٹو زرداری نے کہا پنجاب، کشمیر، پشتونخوا، بلوچستان اور سندھ کی ثقافت اور تاریخ کو ایک ملک کی حیثت سے اون کریں تو اس احیا کا آغاز کرسکتے ہیں۔
انہوں نے کہا کہ ہم نے پہلے بھی ثابت کیا ہے کہ پی پی پی میں یہ صلاحیت ہے کہ ہم سب کو ساتھ لے کر چلتے ہیں اور آئندہ بھی اگر یہ سوچ جاری نہیں رکھی جاسکتی تو ہم ملک کو درپیش مسائل کا مقابلہ نہیں کرسکتے۔ انہوں نے مزید کہا کہ کیوں کہ کچھ لوگ چاہتے ہیں کہ ملک میں تقسیم در تقسیم کی جائے لیکن اگر نوجوان یہ بات سمجھ جائیں تو ہمارا ملک جیت جائے گا۔
