سابق وزیر اعلیٰ پنجاب عثمان بزدار نے کہا ہے کہ تمام سیاسی جماعتوں کو ملک کے مفاد کے لیے ایک دوسرے کے ساتھ بیٹھنا چاہیے اور ملک کے استحکام اور بہتری کے لیے کام کرنا چاہیے۔
مزید پڑھیں
پیر کو میڈیا سے گفتگو کرتے ہوئے سابق وزیر اعلیٰ پنجاب عثمان بزدار نے کہا کہ ’ 2 سال سے عدالتوں میں کیس بھگت رہا ہوں، اُمید ہے کہ مشکل وقت جلد ختم ہو جائے گا، مسائل حل ہوں گے اور پاکستان آگے بڑھے گا اور ترقی کرےگا۔
پاکستان تحریک انصاف سے متعلق پوچھے گئے سوال کے جوا ب میں عثمان بزدار نے کہا کہ وہ اس پر کوئی بات نہیں کرنا چاہتے، سب کچھ عوام کے سامنے ہے اور عوام ہی سب سے بڑا جج ہے۔
عثمان بزدار سابق وزیراعلی پنجاب
سے سوال و جواب pic.twitter.com/fay8xUL8Ji— Sabir Shakir (@ARYSabirShakir) January 8, 2024
ایک سوال کے جواب میں انہوں نے کہا کہ میں نے کبھی بھی کسی کے خلاف کوئی بات نہیں کی، ہمیشہ خلوص نیت اور ایمانداری سے صوبے کی خدمت کی ہے۔
میری نا اہلی سے متعلق جو لوگ سوال اٹھاتے ہیں تو میرا خیال ہے کہ اس کے گواہ صوبے کے عوام ہیں وہ سب کے سامنے ہے، عوام بہتر جج ہیں وہ جسے چاہیں ووٹ دیں گے۔
انہوں نے کہا کہ ہمیں ملک کے بہتر مفاد میں جو بھی ہو ، اس کے لیے ایک دوسرے کے ساتھ مل بیٹھنا چاہیے اور مل کر ملک کی بہتری کے لیے کام کرنا چاہیے۔
