پاکستان کے سابق آل راؤنڈر شعیب ملک اور اداکارہ ثنا جاوید نے ہفتے کے روز اپنی شادی کا اعلان کرتے ہوئے اپنے مداحوں کو چونکا دیا۔ جوڑے نے اپنی شادی کی تصاویر اپنے سوشل میڈیا اکاؤنٹس ایکس اور انسٹاگرام پر پوسٹ کیں۔
View this post on Instagram
شعیب ملک اور ثنا جاوید دونوں نے لکھا ’الحمدللہ‘ اور ’اللہ نے تمہیں جوڑوں میں پیدا کیا ہے‘۔
مزید پڑھیں
شروع میں یہ سوچ کر لوگ دنگ رہ گئے کہ یہ جوڑا ایک شوٹ میں دکھایا گیا ہے، اس سے قبل بھی شعیب ملک کی تصاویر مختلف ماڈلز کے ساتھ دکھائی دی گئی تھیں، تاہم ثنا نے اپنا انسٹاگرام بائیو بدل کر ’ثناء شعیب ملک‘ کر دیا جس سے لوگوں کو تصدیق ہوگئی۔
جیو نیوز کے مطابق شعیب ملک کے خاندانی ذرائع نے شادی کی تصدیق کرتے ہوئے بتایا کہ دونوں کی شادی چند روز قبل کراچی میں ہوئی تھی۔
Confirmation: Our beloved superstar @realshoaibmalik has tied the knot (Nikkah) with #SanaJaved. Wishing the new couple an amazing life ahead filled with happiness and joy! #ShoaibMalik ❤️ pic.twitter.com/l73fQwLmit
— Arsalan H. Shah (@arsalanhshah) January 20, 2024
جس کے بعد شعیب ملک کے مینیجر ارسلان شاہ نے بھی ایکس پر خبر کی تصدیق کی اور لکھا کہ ہمارے پیارے سپر اسٹار شعیب ملک نے ثنا جاوید کے ساتھ نکاح کیا ہے۔ نئے جوڑے کو خوشیوں اور مسرتوں سے بھری آگے کی زندگی کے لیے دعا گو ہیں۔