گوگل کمپنی نے جی میل سروس کو ختم کرنے سے متعلق افواہوں کو مسترد کردیا۔ گوگل کے مطابق سوشل میڈیا پر فیک پوسٹ شیئرز کی جارہی ہیں اور جعلی اسکرین شاٹ بنائے جا رہے ہیں کہ گوگل نے جی میل سروس بند کردی ہے۔
‼️THIS POST IS FAKE DO NOT TRUST‼️
PHOTO: @tracker_deep @gmail @google pic.twitter.com/9IiLbhUYiB
— clarkie (offline forever) (@RTCClarkie) February 23, 2024
ٹیکنالوجی کمپنی گوگل کی جانب سے وضاحتی بیان جاری کرتے ہوئے کہا گیا ہے کہ سماجی رابطے کے پلیٹ فارم ایکس پر ایک پوسٹ میں جعلی ای میل کا اسکرین شاٹ پیش کیا گیا جس میں دعویٰ کیا گیا تھا کہ جی میل سروس بند کی جانے والی ہے۔
مزید پڑھیں
غیر ملکی میڈیا کے مطابق اسکرین شاٹ ایک حقیقی ای میل سے لیا گیا تھا جو گوگل نے بیسک ایچ ٹی ایم ایل ویو سے چھٹکارہ پانے کے لیے لکھی تھی اور اس کے ایک حصے کو بعد میں یہ افواہ پھیلانے کے لیے استعمال کیا گیا۔
جعلی پوسٹ میں لکھا گیا کہ کمپنی جی میل کے متعلق ایک اہم معلومات شیئر کرنا چاہتی ہے اور برسوں لوگوں کو ایک دوسرے سے جوڑنے کے بعد جی میل کا سفر اب اختتام کو پہنچ رہا ہے۔
جیسے ہی جعلی پوسٹ وائرل ہوئی تو لوگوں کی جانب سے اس کو حقیقت پر مبنی سمجھا گیا، اس کی وجہ یہ بھی ہے کہ گزشتہ کئی مہینوں میں گوگل کی جانب سے اپنی کئی سروسز کو مشہور ہونے کے باوجود بند کیے جانے کے متعلق اعلان کیا گیا تھا۔
Gmail is here to stay.
— Gmail (@gmail) February 22, 2024
گوگل نے ایکس پر موجود جی میل کے اکاؤنٹ سے ایک پوسٹ شیئر کی اور سارے واقعے اور افواہوں کی تردید کرتے ہوئے لکھا کہ (Gmail is here to stay) یعنی جی میل یہیں موجود ہے کہیں نہیں جا رہا۔
واضح رہے گوگل کی جانب سے ختم کی جانے والی ایپس، سروسز اور ہارڈ ویئر کے متعلق کلڈ بائے گوگل نام کی ایک ویب سائٹ بنائی گئی ہے جس پر293 پروڈکٹس کی فہرست موجود ہے جو ختم ہو چکی ہیں۔
