وزیراعلیٰ پنجاب مریم نواز کی زیرصدارت امن و امان سے متعلق اجلاس ہوا ہے، جس میں انہوں نے ٹیکسلا میں بزرگ خاتون کو تھپڑ مارنے کے واقعہ کا نوٹس لے لیا۔
اجلاس میں اعلیٰ حکام کی جانب سے نومنتخب وزیر اعلیٰ پنجاب کو صوبے میں امن وامان کی صورتحال پر بریفنگ دی گئی۔
لاہور: 26 فروری
وزیر اعلی مریم نواز شریف کی صدارت میں امن و امان سے متعلق اجلاس
اعلی حکام کی جانب سے نومنتخب وزیر اعلی پنجاب کو صوبے میں امن وامان کی صورتحال پر بریفنگ دی جا رہی ہے
وزیر اعلی مریم نواز شریف کا ٹیکسلا میں بزرگ خاتون کو تھپڑ مارنے کے واقعہ کا سخت نوٹس
قانون… pic.twitter.com/QdvdieXw2U
— PMLN (@pmln_org) February 26, 2024
اس موقع پر مریم نواز نے کہاکہ قانون نافذ کرنے والا ہی قانون توڑے گا تو قانون کی کون عزت کرے گا؟ خلاف قانون کوئی رویہ برداشت نہیں کروں گی۔
مزید پڑھیں
انہوں نے کہاکہ امن وامان لازم ہے لیکن شہریوں کی عزت، انہیں توہین سے بچانا بھی اتنا ہی ضروری ہے، قانون کے احترام کے ساتھ انسان اور شہری کا احترام یقینی بنائیں۔
مریم نواز نے کہاکہ اصلاحات، جدید آلات، ٹیکنالوجی اور تربیت سے پولیس کو عوامی خدمت فورس بنائیں گے۔ خواتین، بچوں، اقلیتوں پر تشدد، ریپ، ہماری حکومت کی ریڈ لائن ہے۔
رشوت خوری کے خلاف زیرو ٹالرنس اور میرٹ میری پالیسی ہے
انہوں ںے کہاکہ رشوت خوری کے خلاف زیرو ٹالرنس اور میرٹ میری پالیسی ہے، اس پر کوئی کمپرومائز نہیں ہوگا۔
وزیراعلیٰ پنجاب نے کہاکہ قانون کے مطابق ایف آئی آر کا فوری اندراج، ڈیجیٹل اور آئی ٹی نظام کا استعمال مزید بہتر بنائیں گے، اور پراسیکیوشن کے نظام کی خامیاں دور کریں گے۔
اس موقع پر آئی جی پنجاب نے صوبے میں امن و امان اور پولیس کی کارکردگی سے متعلق بریفننگ دی۔ اجلاس میں ایڈووکیٹ جنرل پنجاب سمیت اعلیٰ حکام نے شرکت کی۔
مریم نواز شریف نے محفوظ پنجاب سے متعلق اپنے وژن کی روشنی میں پالیسی ہدایات جاری کیں۔