نئی پاکستانی حکومت کا بھارت سے مثبت تعلقات کی خواہش کے جواب میں بھارتی ہائی کمیشن کا مخاصمانہ رویہ برقرار ہے۔
مزید پڑھیں
سفارتی ذرائع کے مطابق 27 مارچ کو وزیر خارجہ اسحاق ڈار نے دفتر خارجہ میں وزیر اعظم اور غیر ملکی سفیروں کو دعوت پر افطار مدعو کیا تھا۔ اس موقع پر دیگر ممالک کے سفیروں کے ساتھ بھارتی ناظم الامور بھی مدعو کیا گیا تھا، مگرتمام تر سفارتی آداب کو پس پشت رکھتے ہوئے بھارتی سفارت کار افطار ڈنر میں شریک نہیں ہوئے۔
سفارتی ذرائع کے مطابق بھارتی سفارت کاروں کی افطار ڈنر میں عدم شرکت سفارتی روایات کے خلاف ہے، بھارت نے عدم شرکت پر ابھی تک معذرت یا تاسف کا خط بھی نہیں بھیجا۔
واضح رہے کہ ڈپلومیٹک کور کے لیے آخری افطار ڈنر 2022 میں اس کے وزیر خارجہ بلاول بھٹو زرداری نے دیا تھا، جس میں بھارتی سفارتکاروں نے شرکت کی تھی۔
