ایرانی صدر ڈاکٹر ابراہیم رئیسی کے دورہ پاکستان کے حوالے سے صدر کی ایڈوانس سیکیورٹی ٹیم پاکستان پہنچ گئی ہے۔
مزید پڑھیں
سفارتی ذرائع کے مطابق ایڈوانس سیکیورٹی ٹیم ایرانی صدر کی حفاظت کی ذمہ داری پر مامور ہے۔ ایرانی صدر کی سیکیورٹی ٹیم دورے سے قبل ایرانی صدر کے سیکیورٹی انتظامات اور لاحق خطرات کا جائزہ لے گی۔
سفارتی ذرائع نے کہا ہے کہ حالیہ اسرائیل ایران کشیدگی کی تناظر میں ایرانی صدر و قیادت کو کئی سنجیدہ خطرات کا سامنا ہے، لاحق خطرات کے باوجود ایران کے صدر ڈاکٹر ابراہیم رئیسی دورہ پاکستان منسوخ یا معطل نہیں کریں گے۔
ایرانی صدر کے دورہ پاکستان کے حوالے سے ایرانی سفیر رضا امیری مقدم بھی اس وقت دفتر خارجہ میں موجود ہیں۔ ایرانی سفیر کی دفتر خارجہ میں ایڈیشنل سیکرٹری رحیم حیات قریشی سے ملاقات جاری ہے۔
رحیم حیات قریشی دفتر خارجہ میَں ایڈیشنل سیکرٹری برایے مغربی ایشیاء, ایران، افغانستان و ترکیہ ہیں۔ ملاقات میں ایرانی صدر کے دورے کے حوالے سے حالات و جزیات کا جائرہ لیا جا رہا ہے۔
