پاکستان کے شمالی علاقے گلگت بلتستان کے ضلع نگرمیں پاکستان کی بارہویں بلند ترین چوٹی راکاپوشی واقع ہے۔
دوسری جانب دیران پیک نگر کی وادی مِناپن میں سینہ تانے کھڑی ہے۔ ہوپر وہ جگہ ہے جہاں سے ایک راستہ پاکستان کی بلند ترین جھیل رش لیک کو بھی نکلتا ہے۔ ’جھیلوں اور گلیشیئرز کی سرزمین میں مہمان نوازی بھی اپنی مثال آپ ہے‘۔
مزید پڑھیں
پرانے دور میں پتھر کے برتنوں میں کھانا بنایا اور کھایا جاتا تھا، اسی طرح اس روایت کو برقرار رکھ کر آج بھی مناپن نگر میں اوشو تھانگ ہوٹل میں کھانا پتھر کے برتنوں میں پیش کیا جاتا ہے جو سیاحوں کی توجہ کا مرکز بن گیا ہے۔
اس ہوٹل کو جدید طرز کے بجائے جہاں پرانے طرز تعمیر کا شاہکار بنایا گیا ہے وہیں مشہور سفر نگار مستنصر حسین تارڑ کے نام سے بھی ایک حصے کو منسوب کیا گیا ہے، جس کا مقصد ان کی خدمات کو اجاگر کرنے کے ساتھ ساتھ نگر کی ثقافت، تاریخی اہمیت اور نگر کے حوالے سے مستنصر حسین تارڑ کی خدمات کو خراج تحسین پیش کرنا ہے۔
گلگت بلتستان کا ہر ضلع تاریخی اعتبار سے اپنا ایک منفرد مقام رکھتا ہے، اسی طرح نگر کو بھی ایک تاریخی اہمیت حاصل ہے۔
