سابق وزیراعظم شاہد خاقان عباسی اور سابق وزیرخزانہ مفتاح اسماعیل کو احتساب عدالت سے ریلیف مل گیا ہے، نیب نے ریفرنسز واپس لے لیے۔
مزید پڑھیں
احستاب عدالت میں ایل این جی ریفرنس کی سماعت احتساب عدالت کے جج ناصر جاوید رانا نے کی، دوران سماعت ڈپٹی پراسیکیوٹر اظہر مقبول نے کہا کہ سابق وزیراعظم شاہد خاقان عباسی کے خلاف ریفرنس واپس لے رہے ہیں۔
نیب کی جانب سے ریفرنس واپس لینے پر احتساب عدالت نے شاہد خاقان عباسی اور مفتاح اسماعیل کو بیگناہ قرار دیتے ہوئے باعزت بری کردیا، کیس میں نامزد دیگر تمام ملزمان کو بھی بری کردیا گیا ہے۔
واضح رہے کہ نیب نے اسی کیس میں 2019ء میں شاہد خاقان عباسی کو گرفتار کیا تھا، نیب نے ریفرنس میں قومی خزانے کو 21 ارب روپے کا نقصان پہنچانے کا دعویٰ کیا تھا۔
