وفاقی وزیر داخلہ محسن نقوی نے کہا ہے کہ عوام کی سہولت کے لیے کراچی اور لاہور میں کم از کم ایک پاسپورٹ آفس 24 گھنٹے کھلا رہے گا۔
مزید پڑھیں
سماجی رابطے کے پلیٹ فارم ’ایکس‘ پر ایک پوسٹ میں انہوں نے کہا، عوام کو آسانی اور سہولت فراہم کرنے کے لیے لاہور اور کراچی دونوں شہروں میں کم از کم ایک پاسپورٹ آفس 24 گھنٹے کھلا رہے گا۔
محسن نقوی نے مزید کہا کہ اس سے شہریوں کے لیے کسی بھی وقت پاسپورٹ آفس کی سہولیات تک رسائی آسان اور ممکن ہوگی۔
To give ease to the public and to facilitate , at least one passport office will be open 24/7 in both Lahore and Karachi! This will make it easier for everyone to access passport services anytime.
— Mohsin Naqvi (@MohsinnaqviC42) May 5, 2024
واضح رہے کہ وفاقی وزیرداخلہ محسن نقوی نے چند رز قبل لاہور کے پاسپورٹ آفس گارڈن ٹاؤن کا دورہ کیا تھا جہاں شہریوں نے ان سے پاسپورٹ بنانے کے لیے رشوت لیے جانے سے متعلق شکایات کی تھیں۔
وزیر داخلہ نے خراب ٹوکن مشین اور پاسپورٹ آفس کے حالات دیکھ کر برہمی کا اظہار کیا تھا اور وہاں کے ڈائریکٹر اور اسسٹنٹ ڈائریکٹر کو تبدیل کرکے محکمانہ کارروائی کا حکم دیا تھا۔
