قومی کرکٹ ٹیم کے فاسٹ بولر شاہین شاہ آفریدی نے آئر لینڈ کے خلاف ٹی ٹوئنٹی میچ میں اہم اعزاز اپنے نام کرلیا۔
شاہین شاہ آفریدی نے انٹرنیشنل کرکٹ میں 300 وکٹیں مکمل کرلی ہیں۔
مزید پڑھیں
آئر لینڈ کے خلاف کھیلے جارہے دوسرے ٹی ٹوئنٹی میچ میں شاہین شاہ آفریدی نے یہ اہم سنگ میل عبور کیا۔
قومی فاسٹ بولر نے 145 انٹرنیشنل میچوں میں 300 وکٹیں حاصل کی ہیں۔
شاہین شاہ آفریدی نے ون ڈے کرکٹ میں 104 جبکہ ٹیسٹ کرکٹ میں اب تک 113 وکٹیں حاصل کی ہیں۔
قومی فاسٹ بولر نے ٹی ٹوئنٹی انٹرنیشنلز میں 84 وکٹیں حاصل کی ہیں۔
واضح رہے کہ آئر لینڈ کے خلاف پاکستان کا میچ جاری ہے، آئر لینڈ نے پہلے بیٹنگ کرتے ہوئے پاکستان کو جیت کے لیے 194 رنز کا ہدف دیا ہے۔
