صوبہ پنجاب کے شہر کوٹ ادو میں ٹرک اور مسافر وین میں ٹکر کے نتیجے میں 11 افراد جاں بحق اور 10 سے زائد زخمی ہوگئے۔
مزید پڑھیں
حادثہ کوٹ ادو کی تحصیل چوک سرور شہید میں میانوالی روڈ پر ہوا جہاں ٹرک سامنے سے آنے والی مسافر وین سے ٹکرا گیا۔ مقامی ریسکیو اہلکاروں کے مطابق اس المناک حادثے کے نتیجے میں مسافر وین میں سوار 11 افراد جاں بحق اور 10 سے زائد افراد زخمی ہوگئے۔
وین میں سوار افراد کا تعلق ملتان کی بستی لاڑ سے تھا اور وہ بھکر میں اپنے رشتہ داروں کے پاس جارہے تھے۔ مرنے والے افراد میں 3 خواتین اور 3 بچے بھی شامل ہیں۔ لاشوں اور زخمیوں کو ٹی ایچ کیو اسپتال منتقل کردیا گیا ہے۔
کوٹ ادو پولیس کے مطابق حادثے کے حوالے سے تحقیقات کی جارہی ہیں۔
