عالمی ٹینس اسٹار ثانیہ مرزا جنہوں نے کامیاب کیریئر کے ذریعے اپنی الگ پہچان بنائی ہے وہ سوشل میڈیا پر ایکٹو رہتی ہیں اور اپنے مداحوں کو اپنی روزمرہ زندگی کے حوالے سے آگاہ کرتی رہتی ہیں۔
ثانیہ مرزا اکثر سوشل میڈیا پر مختلف پوسٹس شیئر کرتی رہتی ہیں، حال ہی میں انہوں نے فوٹو اینڈ ویڈیو شیئرنگ ایپ انسٹاگرام پر ایک اسٹوری شیئر کی جس میں ان کا کہنا تھا کہ جائے نماز پر اللّٰہ کے سامنے رونا انسانوں کے سامنے رونے سے کروڑ ہا بار بہتر ہے۔
یاد رہے کہ ثانیہ مرزا نے حال ہی میں اپنے والد اور بہن کے ہمراہ حج کی سعادت حاصل کی ہے اور اپنے حج کے سفر اور مقدس مقامات کی زیارتوں سے تصاویر و ویڈیوز بھی انہوں نے مداحوں کے ساتھ شیئر کی تھیں۔
انہوں نے تصاویر و ویڈیوز شیئر کرتے ہوئے اس سعادت پر اللہ تعالیٰ کا شکر ادا کیا اور اپنے جذبات کا اظہار بھی کیا تھا۔ انہوں نے کیپشن میں لکھا تھا کہ صرف یہ کہوں گی کہ یہ زندگی بھر کا یاد گار اور خاص سفر ہے تو کم ہوگا، یہ میرے لیے جسم و روح کا ایک ناقابل یقین تجربہ ہے جس کے بارے میں میں کبھی سوچ بھی نہیں سکتی۔
View this post on Instagram
اس سے قبل ایک انٹرویو میں ثانیہ مرزا کا کہنا تھا کہ دولت اور شہرت نہیں بلکہ یہ اہم ہوتا ہے کہ کون مشکل میں ساتھ دیتا ہے۔ ان کا کہنا تھا کہ ان کا سب سے بڑا خوف یہ ہے کہ وہ حقیقت سے دور نہ ہو جائیں۔
اپنے خیالات کا اظہار کرتے ہوئے ثانیہ مرزا نے کہا کہ’میرا خیال ہے کہ ہم جس طرح کی دنیا میں اب رہتے ہیں، چاہے وہ سوشل میڈیا کی ہو، یا میرے کیس میں شہرت کی دنیا ہو، بہت سے لوگ آپ کو بہت سی اچھی باتیں سنا رہے ہوتے ہیں۔ ایسے میں یہ بہت ضروری ہوتا ہے کہ آپ کے قریب ایسے لوگ بھی ہوں جو آپ سے سچ بولیں۔‘
