بالی ووڈ کی ایک معروف اداکارہ نے سوشل میڈیا پر فلٹر اور میک اپ کے بغیر اپنی تصاویر شیئر کرکے شائقین کو بھونچکا کردیا اور بہت سے انہیں ایک نظر میں پہچان بھی نہ سکے۔
یہ بھی پڑھیں: شوبز انڈسٹری سے دوری، دیپیکا پڈوکون کی نئی مصروفیات کیا ہیں؟
یہ بھارتی فلم انڈسٹری کی ڈمپل گرل دیپیکا پڈوکون تھیں جو سوشل میڈیا پر خوب ایکٹیو رہتی ہیں اور اپنے چاہنےو الوں سے اپنی روٹین شیئر کرتی بھی دکھائی دیتی ہیں۔
اب دیپیکا نے اپنی کلیکشن میں اضافہ کیا ہے اور چند عام سی دکھنے والی تصاویرشیئر کردی ہیں۔
دیپیکا نے کیپشن میں بتایا کہ انہیں نہیں معلوم کہ وہ یہ تصویریں کب کھینچتی رہی ہیں۔ انہوں نے یہ بھی بتایا کہ وہ زیادہ سیلفیاں نہیں لیتی ہیں۔
یہ بھی پڑھیے: دیپیکا کے ہونے والے بچے کا پروفیشن کیا ہوگا؟
تاہم ان تصاویر کا یوں سامنے آنا مداحوں کے لیے حیرت کا باعث ضرور بنا لیکن پھر بھی اکثریت نے اس سادگی والے انداز پر بھی اپنی پسندیدہ اداکارہ کی تعریف کی۔
واضح رہے کہ بالی ووڈ میں سب سے زیادہ معاوضہ لینے والی 38 سالہ دیپیکا نے سنہ 2018 میں اداکار رنویر سنگھ سے شادی کی تھی اور اب وہ ماں بھی بننے والی ہیں۔
