اقوامِ متحدہ میں پاکستان کے مستقل مندوب منیر اکرم نے ایک انٹرویو کے دوران کہا کہ فتنہ الخوارج اور القاعدہ کی ایک دوسرے سے وابستگی ہے، عالمی برداری فتنہ الخوارجی اور داعش کے خلاف سخت کارروائی کرے، کیونکہ یہ دونوں پاکستان اور دنیا کے لیے خطرہ ہیں۔
منیر اکرم کا کہنا تھا کہ افغان حکومت کو سمجھنا ہوگا کہ دہشتگردی پر قابوپائے بغیر امن قائم نہیں ہو سکتا۔ دہشت گرد افغانستان پر بھی قبضہ کر سکتے ہیں، ان دہشت گرد تنظیموں کے خلاف سیاسی سطح پر اجتماعی طور پر کارروائی کی جائے۔
مزید پڑھیں:فتنہ خوارج سے متعلق اہم دستاویزات سامنے آ گئیں، پاکستان کا عالمی برادری سے نوٹس لینے کا مطالبہ
ان کا کہنا تھا کہ عبوری افغان حکومت کو باور کروانا چاہتے ہیں کہ دہشتگردی کا مسئلہ حل ہونے تک افغانستان کے بیرونی دنیا کے ساتھ تعلقات کبھی نارمل نہیں ہوں گے۔
