مخصوص نشستوں سے متعلق سپریم کورٹ کے فیصلے پر الیکشن کمیشن کا ردعمل آگیا ہے۔
تحریک انصاف کی مخصوص نشستوں سے متعلق سپریم کورٹ کا تحریری فیصلہ ممبران الیکشن کمیشن کو موصول ہوگیا ہے۔
یہ بھی پڑھیں: بغیر مانگے مخصوص نشستیں نہیں دی جاسکتیں، الیکشن ایکٹ ترمیمی بل قومی اسمبلی میں پیش
ذرائع الیکشن کمیشن کے مطابق الیکشن کمیشن نے تحریک انصاف کے انٹرپارٹی انتخابات کے حوالے سے کہا ہے کہ پی ٹی آئی کے انٹرپارٹی الیکشن کا معاملہ ابھی تک زیرغور ہے، اس پر کوئی حتمی فیصلہ نہیں ہوا، یہ تاثر غلط ہے کہ الیکشن کمیشن نے بیرسٹر گوہر کو پی ٹی آئی چیئرمین تسلیم کیا ہے۔
الیکشن کمیشن نے سپریم کورٹ کے تحریری فیصلے کے بعد مخصوص نشستوں کے حوالے سے پیر کے روز اجلاس طلب کرلیا ہے، اجلاس میں سپریم کورٹ کے فیصلے پر مشاورت کی جائے گی۔
یہ بھی پڑھیں:مخصوص نشستوں سے متعلق وضاحتی فیصلہ، سپریم کورٹ کی الیکشن کمیشن کو سنگین وارننگ
یاد رہے کہ سپریم کورٹ نے الیکشن کمیشن آف پاکستان کی جانب سے پی ٹی آئی کی مخصوص نشستوں سے متعلق ابہام کی درخواست پر تحریری آرڈر جاری کرتے ہوئے قرار دیا ہے کہ پارٹی سرٹیفکیٹ جمع کرانے والے پی ٹی آئی کے کامیاب اُمیدوار ہیں، الیکشن کمیشن کی درخواست تاخیری حربہ ہے۔
سپریم کورٹ نے کہا ہے کہ فیصلے پرعملدرآمد میں تاخیر کے نتائج بھی ہوسکتے ہیں۔
