پاکستان تحریک انصاف (پی ٹی آئی) کے رہنما شیخ وقاص اکرم نے کارکنان کو احتجاج کے لیے اسلام آباد اور لاہور پہنچنے کی ہدایت کردی۔ انہوں نے کہا کہ جو کارکن اسلام آباد پہنچ سکتا ہے اسلام آباد پہنچے اور جو لاہور کے قریب ہیں وہ مینار پاکستان پر احتجاج کے لیے پہنچیں۔ انہوں نے پنجاب کے تمام اضلاع میں احتجاج شروع کرنے کا اعلان کیا۔
🚨 اسلام آباد کا احتجاج جاری رہے گا۔
وسٹ ریجن ، نارتھ ریجن اور ساؤتھ ریجن کے تمام دوست اسلام آباد احتجاج میں شامل رہیں گے، جو راستوں میں ہیں وہ بھی اسلام آباد پہنچیں گے جو اسلام آباد کی طرف روانہ ہوۓ ہیں وہ بھی اسلام آباد ہی پہنچیں گے………اس کے علاوہ آج سے پنجاب کے تمام اضلاع… pic.twitter.com/g8sH6qZPwE— Sheikh Waqas Akram (@SheikhWaqqas) October 4, 2024
رہنما تحریک انصاف شیخ وقاص اکرم نے اپنے سوشل میڈٰیا اکاؤنٹ ایکس پر کارکنان کے لیے اپنے پیغام میں کہا کہ اسلام آباد میں احتجاج جاری رہے گا، جو لوگ اسلام آباد پہنچ گئے ہیں وہ یہیں پر احتجاج کریں۔ لیکن جو لوگ راستوں کی بندش کی وجہ سے نہیں پہنچ سکے وہ اپنے اپنے علاقوں میں احتجاج کریں۔
مزید پڑھیں: اسلام آباد کے گردو نواح میں آرمی ڈپلائمنٹ کا عمل مکمل، پاک فوج کے دستوں نے ڈی چوک کا کنٹرول سنبھال لیا
انہوں نے کہا کہ سینٹرل پنجاب کے لوگ اسلام آباد آنے کے بجائے مینار پاکستان کے احتجاج میں شرکت کریں۔ پنجاب بھر میں پی ٹی آئی کے تمام اسٹیک ہولڈرز ضلعی عہدیداروں کو ہدایت کی جاتی ہے کہ وہ اپنے اپنے علاقوں میں احتجاج کریں۔ اور جو لاہور کے ارد گرد کے علاقوں میں رہ رہے ہیں وہ مینار پاکستان پہنچ جائیں۔
شیخ وقاص اکرم کا کہنا تھا کہ اسلام آباد کا احتجاج جاری رہے گا، وسٹ ریجن، نارتھ ریجن اور ساؤتھ ریجن کے تمام دوست اسلام آباد احتجاج میں شامل رہیں گے۔ جو راستوں میں ہیں وہ بھی اسلام آباد پہنچیں گے جو اسلام آباد کی طرف روانہ ہوئے ہیں وہ بھی اسلام آباد ہی پہنچیں گے۔
یہ بھی پڑھیں: پی ٹی آئی سیاسی کمیٹی کا ہنگامی اجلاس، فوج کی تعیناتی کے باوجود احتجاجی مارچ جاری رکھنے کا فیصلہ
ان کا کہنا تھا کہ آج سے پنجاب کے تمام اضلاع میں احتجاج شروع کرنے کا اعلان کیا جاتا ہے۔ لاہور اور اس کے گرد و نواح کے افراد یعنی سارا سینٹرل پنجاب ریجن لاہور کے احتجاج میں شامل ہوں گے۔ باقی پنجاب یعنی ویسٹ ریجن، نارتھ ریجن، ساؤتھ ریجن میں موجود اسٹیک ہولڈرز اور تنظیمیں، تمام اضلاع میں آج سے پرامن احتجاج کریں گے۔
شوکت بسرا کا اعلان
ہم D chowk پر دھرنا دیں گے لیکن اگر انتظامیہ نے ظلم بند نہ کیا تو ہم قافلوں کا رخ اڈیالہ جیل کی جانب موڑ دیں گے pic.twitter.com/qD5DkVkeZe
— Ahmad Hassan Bobak (@ahmad__bobak) October 4, 2024
دوسری جانب تحریک انصاف کے رہنما شوکت بسرا کہتے ہیں کہ جب تک ہمارے لیڈر عمران خان صاحب رہا نہیں ہوتے، اور قاضی فائز عیسیٰ جب تک کرسی سے اترتے نہیں ہیں عوام کہیں نہیں جائیں گے اور یہیں ڈی چوک میں احتجاج کریں گے بلکہ دھرنا دیں گے، اور اگر یہ اسی طرح چلتا رہا تو ہو سکتا ہے ہمیں اڈیالہ جیل کی طرف رخ کرنا پڑ جائے۔
