کراچی کے علاقے سہراب گوٹھ میں سی ٹی ڈی نے کارروائی کے دوران 3 دہشتگردوں کو گرفتارکرلیا۔
سی ٹی ڈی حکام کے مطابق، گرفتار دہشتگردوں کا تعلق کالعدم تحریک طالبان پاکستان (ٹی ٹی پی) سے ہے، گرفتار دہشتگردوں میں فرہاد، حاجی رحمان اور محمد صغیر شامل ہیں۔
یہ بھی پڑھیں: کراچی ایئرپورٹ دھماکا دہشتگردوں نے ملک دشمن غیر ملکی خفیہ ایجنسی کی مدد سے کیا، ابتدائی رپورٹ
حکام کا کہنا ہے کہ ملزمان نے 3 جون 2024 کو سہراب گوٹھ میں پولیس اہلکاروں پر فائرنگ کی تھی جس کے نتیجے میں کانسٹیبل محمد یاسین شہید جبکہ کانسٹیبل سلمان عباس زخمی ہوگیا تھا، اس واقعہ کی ذمہ داری کالعدم تحریک طالبان پاکستان نے قبول کی تھی۔
سی ٹی ڈی کے مطابق، گرفتار دہشتگردوں کا تعلق کالعدم ٹی ٹی پی مولانا بشیر گروپ سے ہے، گرفتار دہشتگردوں سے اسلحہ برآمد کرلیا گیا ہے۔
