وزیردفاع خواجہ آصف نے کہا ہے کہ بانی چیئرمین تحریک انصاف عمران خان کی اہلیہ بشریٰ بی بی کی رہائی اور وزیراعلیٰ خیبرپختونخوا علی امین گنڈاپور کی دھمکیاں اور پھر ان کا غائب ہوجانا معمول کی کارروائی نہیں ہے، بشریٰ بی بی کا وزیراعلیٰ ہاؤس کی انیکسی میں ڈیرے ڈالنا پس پردہ داستان ہے۔
یہ بھی پڑھیں: بشریٰ بی بی کی رہائی ڈیل کی وجہ سے نہیں ہوئی، بیرسٹر گوہر خان
وزیردفاع خواجہ آصف نے سوشل میڈیا پلیٹ فارم ایکس پر اپنے بیان میں کہاکہ بشریٰ بی بی کی رہائی اور پھر پشاور روانگی معمول کی کارروائی نہیں، اسی طرح علی امین گنڈاپور کی چالیں، ان کی بھڑکیں اور دھمکیاں، پھر جلسے جلوسوں سے غائب ہوکر نمودار ہونا معمول کی کارروائی نہیں ہے۔
بیگم صاحبہ کی رہائ اور پشاور روانگی معمول کی کاروائ نہیں۔ اسی طرح گنڈاپور کی چالیں پہلے بھڑکیں مارنا دھمکیاں دینا پھر جلسے جلوسوں سے غائب ھونا پھر نمودار ھونا ۔ آنیاں جانیاں۔ ا بیگم صاحبہ کی رہائ اور پشاور روانگی معمول کی کاروائ نہیں۔ گنڈاپور کی چالیں پہلے بھڑکیں مارنا دھمکیاں…
— Khawaja M. Asif (@KhawajaMAsif) October 29, 2024
خواجہ آصف نے کہا کہ پنجاب کو خیرباد کہہ کر بشریٰ بی بی کا وزیراعلیٰ ہاؤس کی انیکسی میں ڈیرے ڈالنا پس پردہ داستان کی نشاندہی ہے، یہ کہانیاں دونوں شخصیات کی نورا کشتی اور معافی تلافی کی خبردیتی ہیں۔
یہ بھی پڑھیں: بشریٰ بی بی وزیراعلیٰ ہاؤس پشاور پہنچ گئیں، علی امین گنڈاپور سے ملاقات
انہوں نے کہا کہ شاید یہ سب کچھ بانی پی ٹی آئی عمران خان کی مرضی کے بغیر نہیں ہورہا، پوری پی ٹی آئی اور اس کے کارکنوں کو بیوقوف بنایا جارہا ہے۔
یاد رہے کہ بانی چیئرمین تحریک انصاف عمران خان کی اہلیہ بشریٰ بی بی کو گزشتہ ہفتے اڈیالہ جیل سے رہا کیا گیا تھا، رہائی کے بعد وہ پہلے بنی گالہ اپنے گھر گئیں جہاں سے وہ وزیراعلیٰ ہاؤس پشاور پہنچ گئیں تھیں اور ابھی تک وہیں پر قیام پذیر ہیں۔
