گوجرانوالہ میں جھگی واسوں کینگرہ برادری کے بچوں نے اپنی والدہ کے چالیسویں کی تقریبات کو تاریخی بنا دیا۔ ہوا کچھ یوں کہ سماجی رابطے کی ویب سائٹس پر اس وقت ایک ویڈیو وائرل ہے جس میں دیکھا جاسکتا ہے کہ کثیر تعدا د میں لوگ کھانا کھا رہے ہیں ۔ سماجی رابطے کی ویب سائٹس پر وائرل پوسٹس کے مطابق گوجرانوالہ جھگی واسوں کے چھے بچوں نے اپنی والدہ کے چالیسویں کی تقریب پر سوا کروڑ روپے خرچ کیے، سکینہ بی بی کے 40 ویں کی تقریب میں250 بکرے بھی ذبح کیے گئے۔
چالیسویں کی تقریب میں 8 ہزار مہمانوں کو ملک بھر سے بلوایا گیا۔ تمام مہمانوں کو پرائیویٹ مارکی میں کرسیوں پر بٹھا کر کھانا کھلایا گیا۔ تمام مہمانوں کو ناشتے میں سری پائے اور گرم نان چاول پیش کیے گئے۔ شام کے کھانے میں مٹن چاول نان اور میٹھے میں گاجر سیب کا مربع پیش کیا گیا۔
قریب میں شرکت کرنے والوں کے لیے دو ہزار گاڑیوں کی پارکنگ بھی ارینج کی گئی تھی۔ تقریب راہوالی ریلوے اسٹیشن کی گراؤنڈ میں منعقد کی
گئی۔
سماجی رابطے کی ویب سائٹ ایکس پر اکاؤنٹ پاکستان ٹورزم کی پوسٹ کے مطابق ’گوجرانوالہ کینٹ کے علاقہ راہوالی میں بھیک مانگنے والوں نے والدہ کے چہلم پر سوا کروڑ روپیہ خرچ کر ڈالا ۔ملک بھر سے 800 بھکاریوں نے تقریب میں شرکت کی چہلم کی تقریب میں مہمانوں کیلئے ناشتے میں سری پائے جبکہ شام کے کھانے میں اڑھائی سو بکرے کے علاؤہ انواع اقسام کا اہتمام کیا گیا‘
گوجرانوالہ کینٹ کے علاقہ راہوالی میں بھیک مانگنے والوں نے والدہ کے چہلم پر سوا کروڑ روپیہ خرچ کر ڈالا ۔ملک بھر سے 800 بھکاریوں نے تقریب میں شرکت کی چہلم کی تقریب میں مہمانوں کیلئے ناشتے میں سری پائے جبکہ شام کے کھانے میں اڑھائی سو بکرے کے علاؤہ انواع اقسام کا اہتمام کیا گیا pic.twitter.com/kkErMUVbb9
— Pakistan Tourism (@PakistanJannatt) November 15, 2024
پوسٹ پر صارفین نے دلچسپ تبصرے کیے ، طنز ومزاح سے بھرپور تبصروں اور تجزیوں نے ماحول بنا ڈالا۔ ایک صارف نے تبصرہ کرتے ہوئے لکھا کہ’ہمارے ٹیکس کا پیسہ ہو یا بھیک کا۔۔۔ ایسا بے دریغ استعمال کرنے پر شدید مذمت کرتے ہیں‘
ہمارے ٹیکس کا پیسہ ہو یا بھیک کا۔۔۔ ایسا بے دریغ استعمال کرنے پر شدید مذمت کرتے ہیں
— Amir Khan (@AnadilKTK) November 16, 2024
ایک اور صارف نے لکھا’اسی وجہ سے میں پیشہ ور بھکاریوں کو پیسے نہیں دیتا اور مجھے باتیں سننی پڑتی کہ تم خیرات نہیں کرتے تمہارا دل بہت سخت اب دیکھ لیں دوسروں کی جیبیں خالی کر کے یہ بھکاری کیسے عیاشی کی زندگی گزارتے توبہ توبہ توبہ ‘
اسی وجہ سے میں پیشہ ور بھکاریوں کو پیسے نہیں دیتا اور مجھے باتیں سننی پڑتی کہ تم خیرات نہیں کرتے تمہارا دل بہت سخت اب دیکھ لءں دوسروں کی جیبیں خالی کر کے یہ بھکاری کیسے عیاشی کی زندگی گزارتے توبہ توبہ توبہ 🙄🙏
— uziahsan (@uzahsan555) November 16, 2024
ایک اور صارف نے تبصرہ کرتے ہوئے لکھا کہ’ایف بی آر ٹیکس لے ان سے اور پروفیشن کا اندارج کرے‘
ایف بی آر ٹیکس لے ان سے اور پروفیشن کا اندارج کرے ۔
— محمد عمران Muhammad Imran (@arraoimran) November 15, 2024
ایک صارف نے طنز کرتے ہوئے لکھا’ اس ہنر کی آنلائن کلاسیں کہاں ہوتی ہیں؟ ‘
Any online class to master this skill and earn hefty amount😂😂😂 https://t.co/TJriHEb7zY
— Phoenix (@bareeha2017) November 15, 2024
صارفین کا کہنا تھا کہ حکومت کو چاہیے کہ ان بھکاریوںسے بھی ٹیکس لیں تاکہ معیشت میں بہتری آئے کیونکہ یہ اور ان کا پیسہ معیشت میں ریڑھ کی ہڈی کی حیثیت رکھتے ہیں۔
