اسٹیٹ بینک آف پاکستان (ایس بی پی) نے کہا ہے کہ ملکی بینکوں میں ڈالر ڈیپازٹس میں اچانک اضافہ ہوا ہے جس کے نتیجے میں ڈالر ڈیپازٹس 4 ارب 70 کروڑ ڈالر ہو گئے ہیں۔
یہ بھی پڑھیں:ملکی زرمبادلہ کے ذخائر 16 ارب 60 کروڑ ڈالر تک پہنچ گئے، اسٹیٹ بینک
جمعرات کو اسٹیٹ بینک آف پاکستان کی جانب سے جاری ہفتہ وار اعدادو شمار کے مطابق بیرونی قرض کی ادائیگی کے باعث اسٹیٹ بینک کے ڈالر ریزرو میں بڑی کمی واقع ہوئی ہے تاہم بینکوں کے ڈالر ڈیپازٹس میں ایک ہفتے میں 18 کروڑ ڈالر کا بڑا اضافہ ریکارڈ کیا گیا ہے۔
اسٹیٹ بینک آف پاکستان کا کہنا ہے کہ بینکوں کے ڈالر ڈیپازٹس اب 4 ارب 70 کروڑ ڈالر ہوگئے ہیں جبکہ اسٹیٹ بینک کے ڈالر ذخائر 14 کروڑ 30 لاکھ ڈالر کم ہوکر 11 ارب 71 کروڑ ڈالر رہ گئے ہیں۔
مزید پڑھیں: زرمبادلہ کے ذخائر میں اضافہ، اسٹیٹ بینک نے اعداد و شمار جاری کردیے
مرکزی بینک کے مطابق بینکوں میں ڈالر ڈیپازٹس بڑھنے کے باعث ملک کے زرمبادلہ کے ذخائر میں کم ہونے سے بچ گئے ہیں، اس طرح اب پاکستان کے ڈالر ریزرو 3 ارب 72 کروڑ ڈالر بڑھ کر 16 ارب 40 کروڑ 87 لاکھ ڈالر تک پہنچ گئے ہیں۔
