ریاض میں ہونے والی عالمی ٹیکنالوجی کانفرنس لیپ 2025 ایک تاریخی ایونٹ ثابت ہوئی ہے، جس میں سرمایہ کاری، ٹیکنالوجی، اور کاروباری ترقی کے کئی نئے سنگ میل عبور کیے گئے۔
یہ بھی پڑھیں: سعودی عرب میں آئی ٹی کی بین الاقوامی نمائش لیپ کا آغاز
کانفرنس میں 1800 سے زائد سرمایہ کاروں نے شرکت کی جبکہ 2000 سے زیادہ سرمایہ کاری اجلاس اور ایپلیکیشن کے ذریعے معاہدے طے پائے۔
کانفرنس میں 171 فیصد سرمایہ کاری ملاقاتوں میں اضافہ دیکھا گیا، جبکہ 400 فیصد سے زائد فنڈنگ کے مواقع بڑھے۔ اس کے علاوہ، 16 فیصد مزید اعلیٰ سطحی خریدار اور 31 فیصد زیادہ ٹیکنالوجی مراکز کے نمائندے کانفرنس میں شریک ہوئے، جس سے لیپ 2025 کی غیر معمولی کامیابی کا اندازہ لگایا جا سکتا ہے۔
کانفرنس کا اقتصادی اثر 2022 سے 2024 کے درمیان 37.5 بلین ریال رہا، جبکہ 2025 سے 2027 تک اس کے 75 بلین ریال سے زائد ہونے کی توقع ہے، جو کہ سعودی عرب اور عالمی ٹیکنالوجی سیکٹر کے لیے ایک اہم موڑ ہے۔
یہ بھی پڑھیں: سعودی عرب میں جدید ٹیکنالوجی کا سب سے بڑا ایونٹ ’لیپ 2025‘
اس سال کئی اہم معاہدے بھی طے پائے، جن میں DataLexing نے اپنی پہلی پروڈکٹ لانچ کی، Quant نے ایک دن میں 2 ملین ڈالر کی سرمایہ کاری حاصل کی، Ejari نے رئیل اسٹیٹ مارکیٹ میں 1.5 ملین ڈالر کی شراکت داری کا اعلان کیا اور Trans نے عالمی سطح پر اپنی خدمات کا دائرہ بڑھانے کا عندیہ دیا۔
اس کے علاوہ، لیپ 2026 کے لیے سعودی عرب سے باہر پہلی بار بین الاقوامی کانفرنس منعقد کرنے کا اعلان بھی کیا گیا، جو اس ایونٹ کی عالمی اہمیت کو مزید بڑھاتا ہے۔
یہ بھی پڑھیں: ریاض، میں آئی ٹی کی بین الاقوامی نمائش ’لیپ‘ کا دوسرا دن کیسا رہا؟
یہ کانفرنس نہ صرف سعودی عرب بلکہ عالمی ٹیکنالوجی انڈسٹری میں بھی ایک انقلاب ثابت ہوئی، جس نے نئی سرمایہ کاری، جدید اختراعات اور کاروباری مواقع کے دروازے کھول دیے ہیں۔
