پاکستان کے سابق نیشنل سیکیورٹی ایڈوائزر معید یوسف نے اس وقت سینیئر بھارتی صحافی کو لاجواب کر دیا جب انہوں نے پوچھا کہ بحیثیت سابق نیشنل سیکیورٹی ایڈوائزر آپ وزیراعظم پاکستان شہباز شریف کو کیا مشورہ دینے چاہیں گے؟
یہ بھی پڑھیں:’ہم تیارہیں، آزمانا نہیں‘، سوشل میڈیا پر ٹاپ ٹرینڈ بن گیا
سینیئر بھارتی صحافی کرن تھاپر کے اس سوال پر معید یوسف کا جواب تھا کہ وزیراعظم پاکستان کو مشورہ دوں گا کہ وہ بھارتی وزیراعظم نریندر مودی کو فون کریں اور ان سے پوچھیں کہ کیا وہ ایک دوسرے کی مکمل تباہی چاہتے ہیں؟
#TheInterview by Karan Thapar:@YusufMoeed, Pakistan's former National Security Advisor, on the Escalating India-Pakistan Crisis
Full conversation: https://t.co/uwYY1S3kg5 pic.twitter.com/Z4t1i2tKF9
— The Wire (@thewire_in) May 1, 2025
مَیں وزیراعظم پاکستان سے کہوں گا کہ وہ مودی سے پوچھیں کہ جب دونوں ممالک کو یہیں رہنا ہے تو کیا آپ ایسے میں دونوں ممالک کے درمیان کشیدہ تعلقات چاہتے ہیں یا انہیں مہذب ہمسایہ اقوام کی طرح آگے بڑھتے دیکھنا چاہتے ہیں؟
یہ بھی پڑھیں:پہلگام فالس فلیگ آپریشن پردہ چاک ہونے پر بھارت حواس باختہ ہوگیا
انہوں نے کہا کہ میں وزیر اعظم شہباز شریف کو مشورہ دوں گا کہ وہ نریندر مودی کو آگاہ کریں کہ پاکستان کے عوام کے جذبات کو مَیں بھی کنٹرول نہیں کرسکتا، کیوں کہ جو بلوچستان میں ہورہا ہے اور جو بھارت کررہا ہے وہ عوام دیکھ رہے ہیں۔
معید یوسف نے کہا کہ شہباز شریف کو مشورہ دوں گا کہ بھارتی وزیر اعظم کو بتا دیں کہ ایسے میں اگر انڈیا ایٹمی جنگی جنون میں رہنا چاہتا ہے تو یہ اس کی مرضی ہے۔
پاکستان کے سابق نیشنل سیکیورٹی ایڈوائزر معید یوسف نے کہا کہ انڈیا نےجس طرح پہلے کیا تھا اسی طرح اس بار بھی کوئی قدم اٹھاسکتا ہے، کیوں کہ مودی نے کشیدہ ماحول بنایا ہوا ہے، اس کے لیے پاکستان کو تیار رہنا چاہیے۔
معید یوسف کی اس مدلّل گفتگو پر سینیئر بھارتی صحافی کرن تھاپر ایسے لاجواب ہوئے کہ بُت بنے معید یوسف کا جواب سنتے رہے۔
کرن تھاپر اور معید یوسف کی درمیان ہوئے اس طویل انٹرویو کے متعدد کلپ سوشل میڈیا پر گردش کر رہے ہیں۔
