بانی پی ٹی آئی عمران خان کی بہن علیمہ خان نے کہا کہ آج ہماری 2 بہنوں ڈاکٹر عظمیٰ اور نورین نیازی کو عمران خان سے ملاقات کی اجازت دے دی گئی تاہم مجھے ملنے نہیں دیا گیا۔
اڈیالہ جیل کے باہر میڈیا سے گفتگو کرتے ہوئے ان کا کہنا تھا کہ میری بہنوں نے عمران خان کو تاکید کی ہے کہ آئندہ لسٹ میں جس وکیل کا نام نہ ہو آپ ان سے ملاقات نہ کریں کیوں کہ وہ لوگ باہر آکر باتوں کو توڑ مروڑ کر پھیلاتے ہیں، عمران خان کو بتایا گیا کہ وی لاگرز کی تعریف آپ کے اکاؤنٹ سے کی گئی ہے جس پر عمران خان نے کہا کہ میں نے ایسی کوئی بات نہیں کی ہے۔
یہ بھی پڑھیے: عمران خان کی بہنوں عظمیٰ خان اور نورین خان کو ملاقات کی اجازت مل گئی، علیمہ خان پھر نظر انداز
علیمہ خان نے دعویٰ کیا کہ عمران خان نے خود کہا ہے کہ جب تک وہ رہا ہوکر خود نہیں دیکھتے مائنز اینڈ منرلز کا بل صوبائی اسمبلی میں پیش نہیں ہوگا، علی امین گنڈاپور کو بھی پیغام پہنچایا کہ وہ ملاقات کے لیے میرے پاس کیوں نہیں آتے، نواز شریف سے پالیسی پوچھنے کے لیے ان کی پوری کابینہ لندن اور جیل ملنے جاتی تھی۔
یہ بھی پڑھیے: قید تنہائی میں رکھنے سے عمران خان کی زندگی خطرے میں ہے، علیمہ خان
Breaking Breaking 🚨🚨
علیمہ خان نے بھائی کا بیانیہ باہر پہنچا دیا۔۔۔ میرے اکاونٹ سے کسی کی کوئی تعریف نہیں ہوگی۔!!
جب تک میں خود باہر نہیں آؤں گا کوئی مائنز بل منظور نہیں ہو گا ۔۔
لسٹ سے باہر کوئی مجھ سے نہیں ملنے آیے گا pic.twitter.com/xSF5xUDeLW— Sehrish Maan (@SMunirMaan) May 6, 2025
انہوں نے کہا کہ عمران خان نے سختی سے تاکید کی ہے کہ ان سے ملے اور پالیسی لیے بغیر کوئی بھی آل پارٹیز کانفرنس، اپیکس کمیٹی یا کسی بھی میٹنگ میں شریک نہیں ہوگا، انہوں نے جنید اکبر کو پیغام دیا ہے کہ خیبرپختونخوا میں تحریک وہ چلائیں اور اپنی توجہ اس کو دیں، الیکشن کمیشن اور ٹریبونل کے آگے احتجاج کریں اور پیٹیشن دائر کریں۔
علیمہ خان نے کہا کہ عمران خان نے کسی بھی قسم کی ڈیل کی بھی تردید کی ہے۔
