پاکستان نے بھارت کے میزائل حملوں کا بھرپور جواب دیا ہے اور فضائی کارروائی میں بھارت کے 5 جہاز مار گرانے سمیت بھارتی بریگیڈ ہیڈکوارٹر بھی تباہ کردیا۔ بھارت پاک فوج کی جوابی کارروائی کا سامنا نہ کر سکا، اور اب لائن آف کنٹرول کے چورا کمپلیکس پر سفید جھنڈا لہرا کر شکست تسلیم کرلی۔
یہ بھی پڑھیں:پاکستان کے منہ توڑ جواب پر بھارت بوکھلا گیا، عرب دنیا سے مدد کی اپیل
پاکستان کی سول آبادی پر بزدلانہ حملے کرنے والا بھارت پاک فوج کی جوابی کارروائی کا سامنا نہ کر سکا، اور اب لائن آف کنٹرول کے چورا کمپلیکس پر سفید جھنڈا لہرا کر شکست تسلیم کرلی۔
ذرائع کے مطابق پاک فوج کی جانب سے لائن آف کنٹرول پر دشمن کی پوسٹوں کو بھاری نقصان پہنچایا گیا، بھارتی فوج نے چورا کمپلیکس پوسٹ پر سفید جھنڈا لہرا دیا۔
سفید جھنڈا چونکہ امن کی علامت سمجھا جاتا ہے، بھارت نے سفید جھنڈا لہرا کر شکست تسلیم کرلی۔
سیکیورٹی ذرائع کے مطابق پاکستانی افواج بھارتی جارحیت کا بھرپور جواب دے رہی ہیں، اب تک کی اطلاعات کے مطابق پاک فضائیہ نے دشمن کے 5 جہاز گرا دیے ہیں اور انڈین بریگیڈ ہیڈکوارٹر بھی تباہ کردیا ہے۔
یہ بھی پڑھیں بھارت کی جانب سے شرمناک حملہ کیا گیا، بھرپور جواب دیا جائےگا، ڈی جی آئی ایس پی آر
پاکستان نے بھارت کے بزدلالہ حملے میں اپنے دفاع میں اب تک دشمن کے پانچ طیارے مار گرائے، یہ طیارے اس وقت مارے گئے جب یہ پاکستان پر بھارتی سرزمین کو استعمال کرکے پاکستان پر حملہ کررہے تھے۔
سیکیورٹی ذرائع کے مطابق ان طیاروں میں 3 رافیل، ایک مگ 29 اور ایک SU-30 شامل ہیں، اس کے علاوہ پاک فضائیہ نے ایک ہیرون ڈرون بھی مار گرایا ہے۔
سیکیورٹی ذرائع نے بتایا کہ اس کے علاوہ ایل او سی پر دشمن کی متعدد پوسٹیں بھی تباہ کر دی گئی ہیں، افواج پاکستان دشمن کی جارحیت کا منہ توڑ جواب دے رہی ہیں۔
سیکیورٹی ذرائع کے مطابق ہندوستانی میڈیا بوکھلاہٹ میں مسلسل پاکستانی فضائیہ کے خلاف من گھڑت خبریں چلا رہا ہے، پاک فضائیہ کے کسی بھی طیارے کو کوئی نقصان نہیں ہوا۔
پاک افواج نے جوابی کاروائی میں بھارت کا بریگیڈ ہیڈکوارٹر تباہ کر دیا،متعدد مقامات پر پاک افواج دشمن کا منہ توڑ جواب دے رہی ہیں، سیکورٹی ذرائع pic.twitter.com/0RPvEKaKQT
— WE News (@WENewsPk) May 6, 2025
سیکیورٹی ذرائع کے مطابق پاکستانی فضائیہ کے تمام جہاز محفوظ ہیں، پاکستانی مسلح افواج دشمن کو جارحیت کا منہ توڑ جواب دے رہی ہیں۔
سیکیورٹی ذرائع کے مطابق پاک فوج کی میزائل اسٹرائیک نے ایل او سی پر دودھنیال سیکٹر میں دشمن کی پوسٹ اڑا دی، اس کے علاوہ ایل او سی پر بھارت کی گفدار چھتری چیک پوسٹیں بھی تباہ کر دی گئیں۔
اس سے قبل بھارت نے پاکستان میں 5 مقامات پر میزائل داغے، سویلین آبادی کو رات کے اندھیرے میں نشانہ بنائے جانے کے نتیجے میں معصوم بچے سمیت 8 افراد شہید اور 33 زخمی ہوگئے۔
بھارت کے ساتھ کشیدگی کے پیش نظر لائن آف کنٹرول کے اطراف اسپتالوں میں ایمرجنسی نافذ کردی گئی، جبکہ وادی نیلم سمیت دیگر سیکٹرز سے شہریوں کو محفوظ مقام پر منتقل کردیا گیا ہے۔
بھارتی حملوں میں 8 پاکستانی شہید اور 33 زخمی ہوگئے، ڈی جی آئی ایس پی آر
پاک فوج کے ترجمان لیفٹیننٹ جنرل احمد شریف چوہدری نے کہا ہے کہ بھارت کی جانب سے شرمناک حملہ کیا گیا ہے جس کا بھرپور جواب دیا جارہا ہے۔ بھارتی حملوں میں 8 پاکستانی شہید اور 33 زخمی ہوگئے۔
راولپنڈی میں پریس کانفرنس کرتے ہوئے انہوں نے کہاکہ بھارت نے 6 مقامات پر 24 حملے کیے، احمد پور شرقیہ میں معصوم بچی سمیت 5 پاکستانی شہید ہوگئے۔
انہوں نے کہاکہ بھارت نے مظفرآباد میں مسجد کو نشانہ بنایا، جس کے نتیجے میں ایک بچی زخمی ہوئی اور مسجد کو نقصان پہنچا، جبکہ کوٹلی میں مسجد عباس کو نشانہ بنایا گیا، اس کے علاوہ مریدکے میں بھی مسجد پر میزائل داغے گئے جس میں ایک شہری شہید اور ایک زخمی ہوگیا۔
لیفٹیننٹ جنرل احمد شریف نے کہاکہ بھارتی فوج نے سیالکوٹ کے علاقے کوٹلی لوہاراں میں ایک میزائل داغا، جبکہ شکر گڑھ میں ایک ڈسپنسری کو نقصان پہنچایا گیا ہے۔
انہوں نے کہاکہ دشمن کے بلاجواز حملے کا پاکسانی فوج بھر پور جواب دے رہی ہے، آج دن میں تمام میڈیا کو ان مقامات پر لے جایا جائے گا، تاکہ بھارت کی ننگی جارحیت کو ساری دنیا دیکھے۔
مظفرآباد میں مسجد شہید
سیکیورٹی ذرائع کے مطابق بھارت نے بزدلانہ حملہ میں شوائی مظفرآباد میں مسجد کو شہید کردیا۔
بھارت نے پاکستان پر حملوں کی تصدیق کردی
بھارتی وزارت دفاع کی جانب سے پاکستان پر حملوں کی تصدیق کرتے ہوئے کہا گیا ہے کہ پاکستان میں 9 مقامات کو نشانہ بنایا گیا ہے۔
ایئر اسپیس بند
دوسری جانب پاکستان نے بھارت کی جانب سے حملے کے بعد ایئر اسپیس کو بند کردیا ہے، اور تمام پروازیں بھی منسوخ کردی گئی ہیں۔
ایوی ایشن ذرائع کے مطابق آئندہ 48 گھنٹے کے لیے ایئر اسپیس کو بند کردیا گیا ہے، جس کا نوٹم جاری کردیا گیا۔
واضح رہے کہ 22 اپریل کو پہلگام فالس فلیگ آپریشن کے بعد پاکستان اور بھارت کے درمیان کشیدگی چل رہی ہے، بھارت نے پاکستان کے خلاف کارروائی کی دھمکی دی تھی، جبکہ پاکستان کی جانب سے واضح کیا گیا تھا کہ کسی بھی مہم جوئی کا منہ توڑ جواب دیا جائےگا۔
وزیر دفاع خواجہ آصف نے آج ہی گفتگو کرتے ہوئے کہا تھا کہ بھارت کے ساتھ تصادم ناگزیر ہو چکا ہے، کسی بھی مہم جوئی کا منہ توڑ جواب دیا جائےگا۔
بھارتی فوج نے شکست تسلیم کرلی
پاکستان کی سول آبادی پر بزدلانہ حملے کرنے والا بھارت پاک فوج کی جوابی کارروائی کا سامنا نہ کر سکا، اور اب لائن آف کنٹرول کے چورا کمپلیکس پر سفید جھنڈا لہرا دیا۔
ذرائع کے مطابق پاک فوج کی جانب سے لائن آف کنٹرول پر دشمن کی پوسٹوں کو بھاری نقصان پہنچایا گیا، بھارتی فوج نے چورا کمپلیکس پوسٹ پر سفید جھنڈا لہرا دیا۔
سفید جھنڈا چونکہ امن کی علامت سمجھا جاتا ہے، بھارت نے سفید جھنڈا لہرا کر شکست تسلیم کرلی۔
قومی سلامتی کمیٹی کا ہنگامی اجلاس طلب
وزیراعظم پاکستان شہباز شریف نے پاک بھارت کشیدہ صورت حال کے تناظر قومی سلامتی کمیٹی کا ہنگامی اجلاس طلب کرلیا۔
وفاقی وزیر اطلاعات عطااللہ تارڑ نے کہا ہے کہ وزیراعظم شہباز شریف نے قومی سلامتی کمیٹی کا اجلاس صبح 10 بجے طلب کیا ہے۔
پوری قوم افواج پاکستان کے ساتھ، دشمن سے نمٹنا جانتے ہیں، شہباز شریف
وزیراعظم شہباز شریف نے اپنے ایک بیان میں کہاکہ دشمن اپنے مذموم عزائم میں کبھی کامیاب نہیں ہوگا۔ پوری قوم افواج پاکستان کے ساتھ ہے اور پوری پاکستانی قوم کا مورال اور جذبہ بلند ہے۔ ہم دشمن سے نمٹنا بخوبی جانتے ہیں۔
ٹرمپ نے بھارت کی جانب سے پاکستان پر حملے کو شرمناک قرار دے دیا
امریکی صدر ڈونلڈ ٹرمپ کا کہنا ہے کہ بھارت کی جانب سے پاکستان پر حملہ شرمناک ہے اور وہ امید کرتے ہیں کہ معاملات زیادہ خراب نہ ہوں۔
یہ بھی پڑھیں بھارت کے ساتھ تصادم ناگزیر ہوچکا، پانی روکنے کے لیے تعمیرات کیں تو تباہ کردیں گے، وزیر دفاع خواجہ آصف
امریکی صدر نے تقریب میں صحافی کی جانب سے پوچھے گئے سوال کے جواب میں کہا کہ انہیں ابھی بھارتی حملے کی اطلاع ملی ہے اور وہ اسے شرمناک سمجھتے ہیں۔ ڈونلڈ ٹرمپ کا کہنا تھا کہ دونوں ممالک کے درمیان تعلقات دہائیوں سے خراب ہیں اور وہ امید کرتے ہیں کہ معاملات جلد ٹھیک ہوجائیں۔
