وزیر دفاع خواجہ آصف نے کہا ہے کہ بھارتی طیارے گرانا جنگی تاریخ میں سنگ میل ہے، بھارت نے ڈرونز پاکستانی ایئر ڈیفینس سسٹم کی کھوج لگانے کے لیے بھیجے، جو ہماری تنصیبات کا جائزہ لینا چاہتے تھے۔
قومی اسمبلی میں اظہار خیال کرتے ہوئے خواجہ آصف کا کہنا تھا کہ بھارت نے ڈرونز ہمارے ایئر ڈیفینس سسٹم کی کھوج لگانے کے لیے بھیجے، ہم بھر پور جوابی کارروائی کررہے ہیں اس میں کوئی شک نہیں، پاکستانی قوم اطمینان رکھے ہم 200 فیصد تیار ہیں۔
یہ بھی پڑھیں: ’بھارت کو ایسا ہی جواب ملے گا‘، خواجہ آصف نے پاک بھارت جنگ کی دلچسپ ویڈیو شیئر کردی
خواجہ آصف کا کہنا تھا کہ مدارس ہماری سیکںڈ ڈیفینس لائن ہے، بھارت نے مدارس پر بھی حملے کیے، انہوں نے کہا کہ بھارت اور اسرائیل کا ایک ہوجانا فطری ہے، بھارتی طیارے گرانا جنگی تاریخ میں سنگ میل ہے، قومی یکجہتی کے لیے اندرون ملک بھی کام کریں گے۔
خواجہ آصف نے مولانا فضل الرحمان سے اتفاق کرتے ہوئے کہا کہ پاکستان کو اپنی سفارتی کوششیں تیز کرنا ہوں گی، سفارتی مشن دنیا کے سامنے بھارتی عزائم بے نقاب کررہے ہیں، دنیا کا کوئی ایسا ملک نہیں جس سے ہم رابطے میں نہ ہوں۔
مزید پڑھیں: جنگ کے لیے تیار ہیں، مگر بھارتی شہریوں کو نشانہ نہیں بنائیں گے، وزیردفاع خواجہ آصف
وزیر دفاع کے مطابق چین کے ساتھ مسلسل رابطے سمیت پاکستان قطر اور دیگر ممالک سے بھی رابطے میں ہے، ترکیہ اور آذربائیجان پاکستان کی حمایت کرچکے ہیں، ایک دو ممالک کے علاوہ باقی تمام ممالک پاکستان کے ساتھ کھڑے ہیں یا پھر نیوٹرل ہیں،
