وزیراعلی بلوچستان میر سرفراز بگٹی نے کہا ہے کہ پاکستان نے بھارتی جارحیت کے خلاف فیصلہ کن کامیابی حاصل کی ہے۔
وزیر اعلیٰ بلوچستان میر سرفراز بگٹی نے ایکس پر اپنے پیغام میں کہا کہ پاک فضائیہ نے غیر معمولی مہارت اور جرات کا مظاہرہ کیا جس کی بدولت پاکستان نے بھارتی جارحیت کے خلاف فیصلہ کن کامیابی حاصل کی۔
یہ بھی پڑھیں: آپریشن بُنیان مرصوص نے دشمن کو دہلا دیا، بھارتی اسٹاک مارکیٹ کو بڑا دھچکا
سرفراز بگٹی نے کہا کہ بھارتی حدود کے اندر مؤثر کارروائی نے دشمن کو پسپائی پر مجبور کیا، پاکستان کے مضبوط جواب نے دشمن کو جنگ بندی کی درخواست پر مجبور کیا، قوم کی یکجہتی اور قیادت کے عزم کو سلام پیش کرتے ہیں۔
Pakistan has secured a decisive victory against Indian aggression, demonstrating the professionalism and courage of our armed forces, especially the Pakistan Air Force, which set new standards in the use of airpower. A precise and resolute response deep inside Indian territory…
— Sarfraz Bugti (@PakSarfrazbugti) May 10, 2025
انہوں نے کہا کہ شہدا کی قربانیاں کبھی رائیگاں نہیں جائیں گی، شاندار کامیابی پر سول اور عسکری قیادت کو خراج تحسین پیش کرتے ہیں۔
یہ بھی پڑھیں: پاک بھارت جنگ بندی کے بعد نواز شریف نے اپنے پیغام میں کیا کہا؟
دوسری جانب وزیراعلیٰ پنجاب مریم نواز نے اپنے پیغام میں کہا ہے کہ ’پاکستان جیت گیا! الحمدُ للّٰہ!‘
پاکستان جیت گیا! الحمدُ للّٰہ! وزیر اعظم پاکستان محمد شہباز شریف، سپہ سالار جنرل سید عاصم منیر، افواج پاکستان اور نواز شریف نے قوم کا سر فخر سے بلند کر دیا اور دنیا کو سمجھا دیا کہ پاکستان کا دفاع ناقابل تسخیر ہے اور پاکستان محفوظ اور محب وطن ہاتھوں میں ہے۔
— Maryam Nawaz Sharif (@MaryamNSharif) May 10, 2025
وزیراعلیٰ پنجاب نے کہا کہ وزیر اعظم شہبازشریف، آرمی چیف سید عاصم منیر اور نواز شریف نے قوم کا سر فخر سے بلند کر دیا اور دنیا کو سمجھا دیا کہ پاکستان کا دفاع ناقابل تسخیر ہے اور پاکستان محفوظ اور محب وطن ہاتھوں میں ہے۔
