امریکی محکمہ دفاع نے بدھ کو تصدیق کی ہے کہ انہوں نے باضابطہ طور پر قطر کی جانب سے تحفہ کیے جانیوالا 400 ملین ڈالر مالیت کا ایک لگژری بوئنگ 747-8 جیٹ وصول کرلیا ہے، جسے امریکی صدر کے استعمال کے لیے کو ایئر فورس ون میں تبدیل کیا جائے گا۔
یہ بھی پڑھیں:پاکستان نے جنگ کے بجائے تجارت کو ترجیح دے کر عالمی قیادت کا ثبوت دیا، صدر ٹرمپ
صدر ڈونلڈ ٹرمپ نے اوول آفس میں اس تحفے کو ’ایک عظیم چیز‘ قرار دیتے ہوئے کہا کہ قطر نے ہماری مدد کے لیے طیارہ دیا ہے، گزشتہ ہفتے صدر ٹرمپ نے قطر کی جانب سے تحفے میں بھیجے گئے مذکورہ جہاز کو صدر کے زیر استعمال 35 سالہ بوئنگ طیاروں میں سے ایک سے تبدیل کرنے کے منصوبے کا اعلان کیا تھا۔
The Pentagon announced it officially accepted the gift from the government of Qatar – a $400 million Boeing 747 to be used as Air Force One. American taxpayers will have to pay for a costly makeiver to make the plane secure @JonKarl has details. https://t.co/JAg415gNRr pic.twitter.com/WwIe3wovfZ
— World News Tonight (@ABCWorldNews) May 22, 2025
قطری شاہی خاندان نے 13 سال پرانا طیارہ استعمال کیا تھا جس کا صدر ٹرمپ نے فروری میں ویسٹ پام بیچ میں معائنہ کیا تھا، نیوز رپورٹس کے مطابق مذکورہ طیارہ اب یہ سان انتونیو انٹرنیشنل ایئرپورٹ پر ہے۔
پینٹاگون کے چیف ترجمان نے میڈیا کو ایک بیان میں بتایا کہ سیکریٹری آف اسٹیٹ پیٹ ہیگسیتھ نے تمام وفاقی قواعد و ضوابط کے مطابق قطر سے بوئنگ 747 کو قبول کیا ہے۔ ’محکمہ دفاع اس بات کو یقینی بنانے کے لیے کام کرے گا کہ امریکی صدر کو لے جانے کے لیے استعمال ہونے والے طیارے کے لیے مناسب حفاظتی اقدامات اور فنکشنل مشن کی ضروریات پر غور کیا جائے۔‘
مزید پڑھیں:قطر، حماس قیادت کو ملک بدر کرے، امریکا کا مطالبہ
وائٹ ہاؤس نے کہا ہے کہ طیارہ ٹرمپ کی مدت صدارت کے اختتام پر ان کی صدارتی لائبریری میں منتقل کر دیا جائے گا۔ لائبریری ابھی تک نہیں بنائی گئی ہے، اور صدر ٹرمپ نے دفتر چھوڑنے کے بعد ہوائی جہاز میں سفر کرنے کے منصوبوں کی تردید کی ہے۔
ڈیموکریٹس اور کچھ ریپبلکنز نے کہا ہے کہ قطر کی جانب سے امریکی صدر کو دیے گئے اس تحفے کو رشوت ستانی کے مترادف قرار دیا ہے جبکہ ایرو اسپیس ماہرین کے مطابق صدر کے طیارے کو دوبارہ تیار کرنے میں 1 بلین ڈالر سے زائد لاگت آئے گی، اور یہ کام بوئنگ کمپنی کے ذریعے کیا جائے گا، جس کے لیے کئی سال درکار ہوں گے۔
مزید پڑھیں:قطر اور امریکا کے درمیان مختلف معاہدوں پر دستخط
امریکی سینیٹ کے اقلیتی رہنما چک شومر نے بدھ کو ایک بیان میں کہا کہ یہ بے مثال اقدام ایوان صدر کے دفتر پر ایک داغ ہے، جس کا جواب نہیں دیا جا سکتا۔’آج تاریخ کا ایک سیاہ دن ہے، امریکی تاریخ میں صدر نے باضابطہ طور پر کسی غیر ملکی حکومت یعنی قطر سے500 ملین ڈالر مالیت کے لگژری بوئنگ 747 کی رشوت قبول کی۔‘
