وزیراعظم پاکستان شہباز شریف نے آذربائیجان کے یوم آزادی پر تقریب سے خطاب کرتے ہوئے جہاں ترکیہ اور آذربائیجان کے ساتھ کھڑے رہنے کا اعلان کیا، وہیں انہوں پاک بھارت جنگ کے حالات کا تذکرہ بھی کیا۔
یہ بھی پڑھیں آپریشن بنیان مرصوص کے دوران فیلڈ مارشل عاصم منیر نے قائدانہ کردار ادا کیا، وزیراعظم
وزیراعظم شہباز شریف نے کہاکہ بھارت نے جب پاکستان پر حملہ کیا تو ہم نے اس کا مؤثر جواب دیا، جس کی ساری حکمت عملی آرمی چیف فیلڈ مارشل سید عاصم منیر نے بنائی۔
وزیراعظم شہباز شریف نے بات کو جاری رکھتے ہوئے کہاکہ ہمارے آرمی چیف یہاں پر موجود ہیں۔ انہوں نے سید عاصم منیر کو مخاطب کرتے ہوئے کہاکہ فیلڈ مارشل آپ کھڑے ہو جائیں میں آپ کا تعارف کرانا چاہتا ہوں۔
ہمارے چیف آف اسٹاف ادھر ہی بیٹھے ہیں ، فیلڈ مارشل آپ کھڑے ہوجائیں میں آپ کا تعارف کروانا چاہتا ہوں ، وزیراعظم شہباز شریف pic.twitter.com/kAAJJCPiKO
— WE News (@WENewsPk) May 28, 2025
وزیراعظم شہباز شریف کے کہنے پر تقریب میں موجود فیلڈ مارشل عاصم منیر اپنی نشست پر کھڑے ہوگئے، اس موقع پر تقریب میں موجود افراد نے نہ صرف ان کو سراہا بلکہ ان کے لیے تالیاں بھی بجائیں۔
واضح رہے کہ حکومت پاکستان نے بھارت کو جنگی جنون کا منہ توڑ جواب دینے پر آرمی چیف جنرل عاصم منیر کو فیلڈ مارشل کے عہدے پر تعینات کردیا ہے، جبکہ ایئر چیف ظہیر احمد بابر کی مدت ملازمت میں بھی توسیع کردی گئی ہے۔
یہ بھی پڑھیں فیلڈ مارشل عاصم منیر شرارتی تھے لیکن انکی پوری توجہ حفظ قران پر مرکوز تھی، مہتمم مدرسہ
پاکستان کی مسلح افواج نے 10 مئی کو بھارت کی جارحیت کا منہ توڑ جواب دیتے ہوئے دشمن ملک کے اندر گھس کر کارروائی کرتے ہوئے فوجی تنصیبات کو نشانہ بنایا تھا، جس کے بعد بھارت کی درخواست پر سیز فائر کیا گیا جو اب تک برقرار ہے۔
