کراچی ڈیفنس کے اتحاد کمرشل ایریا میں واقع ایک فلیٹ سے معروف اداکارہ و ماڈل حمیرا اصغر علی کی 9 ماہ پرانی لاش گلی سڑی لاش برآمد ہوئی ہے۔لاش اُس وقت ملی جب عدالتی بیلف نے کرایہ کی عدم ادائیگی پر فلیٹ کا دروازہ توڑا اور ادکارہ کو اپنے کمرے میں مردہ پایا۔
یہ بھی پڑھیں: حمیرا اصغر پر تشدد، منشیات یا مشتبہ سرگرمی کا کوئی ثبوت نہیں ملا، پولیس
تفتیشی حکام کے مطابق تحقیقات میں انکشاف ہوا کہ ان کا انتقال اکتوبر 2024 میں ہو چکا تھا، اداکارہ کی آخری فون کال، سوشل میڈیا سرگرمی اور بجلی کا کنکشن سب اکتوبر 2024 پر ختم ہوئے۔ گھر میں زنگ آلود پائپ، خراب خوراک اور متروک اشیاء موت کا وقت واضح کرتے ہیں۔
وفات سے پہلے ایک یادگار انٹرویو میں اداکارہ حمیرا نے اپنے مداحوں اور چاہنے والوں کو کیا پیغام دیا تھا؟ خود سن لیں#ExpressNews #HumairaAli #Actress #Interview #HumairaAsghar #Showbiz #Entertainment #Modeling #Model #ExpressEntertainment #LatestUpdates #Pakistan pic.twitter.com/yUHuNG43yh
— Express News (@ExpressNewsPK) July 9, 2025
دوسری جانب اداکارہ حمیرہ اصغر کے ایک پرانے انٹرویو کا ایک کلپ سوشل میڈیا پر زیرگردش ہے میں جس میں دیکھا جاسکتا ہے کہ جب میزبان نے انہیں اپنے مداحوں کے نام کوئی پیغام دینے کا کہا تو حمیرا اصغر نے کہا ’میرا اپنے فینز اور سننے والوں کے لیے ایک چھوٹا سا پیغام ہے کہ اپنے غریب بہن بھائیوں کا ضرور خیال رکھیں، نہ صرف پاکستان بلکہ بیرون ملک بھی۔
یہ بھی پڑھیں: حمیرا اصغر لاوارث نہیں، وزیر ثقافت سندھ کا تدفین کرانے کا فیصلہ
اداکارہ نے اپنے مداحوں کو جانوروں پر رحم کرنے کی بھی تلقین کرتے ہوئے کہا کہ ’میں نے دیکھا ہے کہ جانوروں کے ساتھ راہ چلتے بہت برا سلوک کیا جاتا ہے، جانور بہت معصوم مخلوق ہیں، ان کے ساتھ آپ جتنا مہربان رہ سکیں رہیں، اپنے علاقے میں ان کے لیے آپ کچھ کریں۔
حمیرا اصغر نے یہ بھی کہا کہ اپنے ماں باپ کا ضرور خیال رکھیں، انہیں ساتھ لے کے چلیں، آپ کی جو بھی فیلڈ یا پیشہ ہے، ہم اپنے ماں باپ کی دعاؤں سے ہی آگے بڑھ سکتے ہیں۔
