لبنان کی مزاحمتی تنظیم حزب اللہ نے کہا ہے کہ اس کے جنگجوؤں نے جنوبی لبنان کے قصبے مارکبا کے قریب پیش قدمی کرنے والی اسرائیلی فوجی نفری پر میزائل حملے کیے ہیں۔
یہ بھی پڑھیں: ایران نے کرد گروہوں کے خلاف آپریشن شروع کردیا
تنظیم کی جانب سے جاری بیان میں کہا گیا ہے کہ اس کے جنگجوؤں نے دوپہر تقریباً 12 بج کر 30 منٹ پر اسرائیلی فوج کو نشانہ بنایا۔
حزب اللہ کے مطابق یہ کارروائی اس وقت کی گئی جب ان کے جنگجوؤں نے منارا پوسٹ سے مارکبا کی طرف بڑھنے والی اسرائیلی فورسز کی نقل و حرکت دیکھی۔
بیان میں کہا گیا کہ داغے گئے 2 میزائل براہِ راست اسرائیلی فوجی دستے پر لگے۔
مزید پڑھیے: امریکی سینیٹ نے ایران کے خلاف جنگ روکنے کی قرارداد مسترد کر دی
حزب اللہ نے اس حملے کو اسرائیل کی جانب سے لبنانی شہروں اور قصبوں، خصوصاً بیروت کے جنوبی مضافات پر کیے گئے حملوں کا ردعمل قرار دیا ہے۔
