ترکی کے صدر رجب طیب اردوان نے مشرقِ وسطیٰ میں بڑھتی ہوئی کشیدگی کے تناظر میں عراقی کردستان ریجنل گورنمنٹ کے صدر نچیروان بارزانی سے ٹیلیفون پر بات چیت کی، جس میں خطے کی تازہ صورتحال، جاری تنازعات اور ممکنہ بحران پر تبادلہ خیال کیا گیا۔
ترکی کے ایوانِ صدر کے جاری کردہ بیان کے مطابق صدر رجب طیب اردوان اور نچیروان بارزانی کے درمیان ہونے والی گفتگو میں مشرقِ وسطیٰ میں جاری تنازعات اور ان کے ممکنہ اثرات پر تفصیلی بات چیت کی گئی۔
یہ بھی پڑھیں:ترک صدر رجب طیب اردوان کا دورہ سعودی عرب، سعودی ولی عہد محمد بن سلمان سے ملاقات
صدر اردوان نے کہا کہ موجودہ نازک صورتحال میں ترکی عراق کے ساتھ کھڑا ہے اور ایسے کسی بھی اقدام سے خبردار کیا جو خطے کو طویل بحران کی طرف دھکیل سکتا ہے۔
انہوں نے مزید کہا کہ ترکی خطے میں مختلف تنظیموں اور ان سے وابستہ گروہوں کی سرگرمیوں پر گہری نظر رکھے ہوئے ہے۔
یہ رابطہ ایسے وقت میں ہوا ہے جب رپورٹس سامنے آئی ہیں کہ خطے میں موجود بعض کرد مسلح گروہ ایران کے ساتھ جاری کشیدگی کے تناظر میں امریکی افواج کے ساتھ رابطوں یا ممکنہ تعاون پر غور کر رہے ہیں۔
یہ بھی پڑھیں:پاک سعودی یکجہتی کونسل کی ایران امریکا جنگ میں پاکستانی موقف کی مکمل حمایت
صدر اردوان نے اس موقع پر یہ بھی کہا کہ ترکی خطے میں تنازعات کے خاتمے اور مذاکراتی عمل کی بحالی کے لیے بھرپور سفارتی کوششیں جاری رکھے ہوئے ہے۔
