فرانسیسی صدر ایمانوئل میکرون نے اعلان کیا ہے کہ فرانس بحیرہ احمر میں یورپی یونین کے بحری مشن ’ایسپائڈز‘ کے تحت 2 جنگی فریگیٹ تعینات کرے گا۔
یہ بھی پڑھیں: ایران کے ایٹمی خطرے کے خاتمے کے بعد تیل کی قیمتیں تیزی سے نیچے آجائیں گی، ڈونلڈ ٹرمپ کا دعویٰ
صدر میکرون کے مطابق یہ اقدام بحیرہ احمر میں جہاز رانی کے تحفظ اور سیکیورٹی کو یقینی بنانے کے لیے کیا جا رہا ہے۔
انہوں نے قبرص میں قبرصی صدر نیکوس کرسٹوڈولائڈز اور یونان کے وزیر اعظم کیریاکوس میتسوتاکس کے ساتھ ملاقات کے بعد کہا کہ اس وقت ایک ایسا مشن ترتیب دیا جا رہا ہے جو مکمل طور پر دفاعی نوعیت کا ہوگا اور اس کا مقصد تجارتی جہازوں کو سیکیورٹی فراہم کرنا ہے۔
مزید پڑھیے: ایران میں تیل کی تنصیبات پر حملوں کے بعد آلودہ ہوا پاکستان پہنچ سکتی ہے، محکمہ موسمیات کا انتباہ
میکرون کا کہنا تھا کہ یہ مشن یورپی اور غیر یورپی ممالک کے تعاون سے تیار کیا جا رہا ہے تاکہ بحیرہ احمر میں کشیدگی کے دوران بحری راستوں کو محفوظ بنایا جا سکے۔
