امریکی میڈیا کا کہنا ہے کہ پاکستان کی سفارتی کوششوں کے باعث امریکا اور ایران کے درمیان معاہدہ آج رات طے پانے کا امکان ہے۔
سی این این کے مطابق فیلڈ مارشل سید عاصم منیر دونوں ملکوں کے درمیان مذاکرات کو آگے بڑھا رہے ہیں۔
یاد رہے کہ وزیراعظم شہباز شریف نے امریکی صدر سے ڈیڈ لائن میں دو ہفتوں کی توسیع کی اپیل کی ہے۔
سوشل میڈیا پر جاری بیان میں انہوں نے کہاکہ مشرقِ وسطیٰ میں جاری تنازع کے پرامن حل کے لیے سفارتی کوششیں تیزی سے آگے بڑھ رہی ہیں اور جلد اہم پیش رفت کا امکان ہے۔
وزیراعظم نے اپنے پیغام میں زور دیا کہ مذاکرات کو نتیجہ خیز بنانے کے لیے ڈیڈ لائن میں دو ہفتوں کی مہلت دی جائے۔
ساتھ ہی انہوں نے ایران سے بھی خیر سگالی کے طور پر آبنائے ہرمز کو دو ہفتوں کے لیے کھولنے کی درخواست کی۔
وزیراعظم پاکستان کی درخواست پر صدر ٹرمپ نے مختصر گفتگو میں کہاکہ انہیں ابھی تک اس معاملے پر مکمل بریفنگ نہیں دی گئی، تاہم وہ اتنا ضرور کہہ سکتے ہیں کہ وہ شہباز شریف کو اچھی طرح جانتے ہیں اور ہر جگہ نہایت معزز شخص ہیں۔
صدر ٹرمپ کی امریکی صحافی جیکی ہینریچ سے مختصر گفتگو ہوئی، جس میں انہوں نے کہاکہ اس وقت گرما گرم مذاکرات جاری ہیں کچھ نہیں بتا سکتا۔
