جرمنی سے تعلق رکھنے والے صحافی اسٹیفن شورازکوف (Stefan Schwarzkopf) نے کہا ہے کہ پاکستان موجودہ کشیدہ صورتحال میں نہایت اہم کردار ادا کر رہا ہے، کیونکہ اس کے بیک وقت ایران اور امریکا کے ساتھ بہتر تعلقات ہیں، جس کے باعث وہ دونوں فریقوں کو ایک میز پر لانے میں کامیاب ہوا ہے۔ ان کے مطابق یہ ایک بڑی سفارتی کامیابی ہے، خصوصاً ایسے وقت میں جب ماحول میں صرف فوجی زبان اور طاقت کا بیانیہ غالب تھا۔
مزید پڑھیں: معرکۂ امن، اسلام آباد کی دہلیز پر بدلتی دنیا
جرمن صحافی نے کہا کہ پاکستان دنیا کو مزید کشیدگی سے بچانے کی کوشش کر رہا ہے اور خطے میں جاری تنازع کو پھیلنے سے روکنے کے لیے کردار ادا کر رہا ہے۔
پاکستان ایک نہایت اہم کردار ادا کر رہا ہے، کیونکہ اس کے تعلقات تہران اور واشنگٹن دونوں کے ساتھ اچھے ہیں، اور اس نے دونوں فریقوں کو ایک جگہ اکٹھا کرنے میں کامیابی حاصل کی ہے، جو ایک بڑی کامیابی ہے،خاص طور پر اُس وقت کے بعد جب صرف ہتھیار، بندوقیں اور فوجی زبان ہی غالب تھی۔
پاکستان… pic.twitter.com/OiFmL3XKIj— WE News (@WENewsPk) April 11, 2026
انہوں نے مزید کہا کہ جرمنی بھی موجودہ صورتحال سے متاثر ہو رہا ہے، خاص طور پر آبنائے ہرمز کی بندش کے باعث، جس نے عالمی تجارت اور توانائی کی ترسیل کو متاثر کیا ہے۔
مزید پڑھیں:پاکستان کو اسلام آباد میں اہم امن مذاکرات کی میزبانی پر فخر ہے، وفاقی وزیر احسن اقبال
انہوں نے کہا کہ ایسے حالات میں پاکستان کی کوششیں اس بات کی علامت ہیں کہ وہ تنازع کو مزید شدت اختیار کرنے سے روکنے اور خطے میں استحکام لانے کے لیے سنجیدہ ہے۔
