ڈسٹرکٹ اینڈ سیشن کورٹس اسلام آباد نے وزیراعلیٰ خیبرپختونخوا سہیل آفریدی کے خلاف ریاستی اداروں پر مبینہ گمراہ کن الزامات اور ساکھ کو نقصان پہنچانے کے کیس میں ناقابل ضمانت وارنٹ گرفتاری جاری کر دیے ہیں۔
سینئر سول جج عباس شاہ نے کیس کی سماعت کی، جس دوران وزیراعلیٰ کے پی پیش نہیں ہوئے۔ عدم حاضری پر عدالت نے ان کے ناقابل ضمانت وارنٹ گرفتاری جاری کرتے ہوئے انہیں گرفتار کرکے پیش کرنے کا حکم دے دیا۔
یہ بھی پڑھیے: وفاقی آئینی عدالت: انکم ٹیکس آرڈیننس 2001 کی تشریح سے متعلق مقدمہ، ایف بی آر کی استدعا منظور
عدالت نے کیس کی مزید سماعت 16 اپریل تک ملتوی کر دی ہے۔
واضح رہے کہ سہیل آفریدی کے خلاف پیکا ایکٹ کے تحت نیشنل سائبر کرائم انویسٹی گیشن ایجنسی (این سی سی آئی اے) نے مقدمہ درج کر رکھا ہے۔
پولیس اور متعلقہ اداروں کو ہدایت کی گئی ہے کہ ملزم کو گرفتار کرکے آئندہ سماعت پر عدالت میں پیش کیا جائے۔
