اسلام آباد کی ڈسٹرکٹ اینڈ سیشن کورٹ نے ریاستی اداروں پر الزامات کے کیس میں عدم پیشی پر وزیر اعلیٰ خیبر پختونخوا سہیل آفریدی کے ناقابلِ ضمانت وارنٹ گرفتاری جاری کردیے۔
سینئر سول جج عباس شاہ نے وزیر اعلیٰ کے پی سہیل آفریدی کے خلاف ریاستی اداروں پر الزامات لگانے کے کیس میں عدم حاضری پر سہیل آفریدی کے ناقابل ضمانت وارنٹ گرفتاری جاری کر دیے ،گرفتار کرکے پیش کرنے کا حکم۔
سہیل آفریدی کے خلاف پیکا ایکٹ کے تحت این سی سی آئی اے نے مقدمہ درج کر رکھا…
— Azaz Syed (@AzazSyed) April 16, 2026
سماعت کے دوران عدالت نے کیس کی کارروائی کی اور مسلسل غیر حاضری پر سخت اقدام اٹھاتے ہوئے سہیل آفریدی کی گرفتاری کا حکم جاری کیا اور انہیں گرفتار کر کے پیش کرنے کی ہدایت بھی دی۔
یہ مقدمہ نیشنل سائبر کرائم انویسٹی گیشن ایجنسی (این سی سی آئی اے) کی جانب سے پیکا ایکٹ کے تحت درج کیا گیا ہے۔
کیس کی سماعت سینیئر سول جج عباس شاہ نے کی، عدالت نے کارروائی کو آگے بڑھاتے ہوئے کیس کی مزید سماعت 8 جون تک ملتوی کردی ہے۔
