صدر ڈونلڈ ٹرمپ نے کہا ہے کہ چینی صدر شی جن پنگ آبنائے ہرمز کی موجودہ صورتحال پر ’بہت خوش‘ ہیں، اور آئندہ ماہ چین میں ہونے والی دوطرفہ ملاقات کو خصوصی اور ممکنہ طور پر تاریخی قرار دیا ہے۔
امریکی صدر نے ٹروتھ سوشل پر اپنی پوسٹ میں لکھا: ’صدر شی اس بات پر بہت خوش ہیں کہ آبنائے ہرمز کھلا ہے تیزی سے کھل رہا ہے۔ چین میں ہماری ملاقات ایک خاص ہوگی اور ممکنہ طور پر تاریخی۔ میں صدر شی کے ساتھ ہونے کا منتظر ہوں، بہت کچھ حاصل کیا جائے گا‘۔
یہ بھی پڑھیں:آبنائے ہرمز کھولنے پر امریکی صدر ڈونلڈ ٹرمپ ایران کے شکرگزار
وال اسٹریٹ جرنل کے مطابق دونوں رہنماؤں کی سربراہی ملاقات اصل میں مارچ میں طے تھی لیکن خطے میں کشیدگی کے باعث ملتوی ہو گئی تھی، اب یہ ملاقات 14 سے 15 مئی تک چین میں ہونے کا امکان ہے۔
