خطے میں جاری سیاسی کشیدگی کے دوران بہترین کاکردگی دکھانے پر پاکستان کے ایئر ٹریفک کنٹرولرز کی پیشہ ورانہ خدمات کو عالمی سطح پر سراہا گیا ہے۔
پاکستان ایئرپورٹس اتھارٹی (پی اے اے) کے مطابق بین الاقوامی ایئر ٹریفک کنٹرولرز فیڈریشن (آئی ایف اے ٹی سی اے) نے پاکستانی کنٹرولرز کو شاندار کارکردگی پر خراج تحسین پیش کیا ہے۔
یہ بھی پڑھیے: امریکی ایئر ٹریفک کنٹرول کی گیمنگ میں ماہر افراد کو نوکری کی پیشکش، تنخواہ کتنی ہے؟
آئی ایف اے ٹی سی اے کے مطابق خطے میں فضائی دباؤ اور جغرافیائی سیاسی صورتحال کے باعث پاکستان کی فضائی گزرگاہ سے پروازوں میں نمایاں اضافہ ہوا، تاہم پاکستانی ایئر ٹریفک کنٹرولرز نے غیر شیڈولڈ فضائی ٹریفک کو مؤثر انداز میں سنبھالا۔
عالمی فیڈریشن نے کہا کہ مشکل حالات، دباؤ اور طویل ڈیوٹی اوقات کے باوجود پاکستانی کنٹرولرز نے سیفٹی اور ایفیشنسی کے اعلیٰ معیار کو برقرار رکھا اور اپنی ذمہ داریاں بہترین انداز میں انجام دیں۔
پاکستان ایئرپورٹس اتھارٹی کے مطابق آئی ایف اے ٹی سی اے نے اپنے خط میں متعلقہ پاکستانی وزارت کے تعاون کو بھی سراہا ہے۔
