بنگلہ دیش نیوی نے دریائے میگھنا سے ملحقہ جزیرہ نما ہاتیا میں ایک مشترکہ کارروائی کے دوران غیر قانونی طور پر ذخیرہ کیا گیا ایندھن ضبط کرتے ہوئے ایک شخص کو حراست میں لے لیا۔
یہ کارروائی حکومت کی جانب سے جاری عالمی ایندھن بحران کے تناظر میں قومی توانائی کے تحفظ کے لیے اپنائی گئی زیرو ٹالرنس پالیسی کے تحت کی گئی۔
یہ بھی پڑھیں: بنگلہ دیش کے ریڈی میڈ گارمینٹس کی ایکسپورٹ معطل
حکام کے مطابق خفیہ اطلاع ملنے پر چٹاگانگ ڈویژن میں ضلع نواکھلی کے ذیلی ضلع ہاتیا کے علاقے میں منگل کی رات تمرودی بازار میں بنگلہ دیش نیوی نے پولیس اور مقامی انتظامیہ کے تعاون سے ایک مربوط چھاپہ مار کارروائی کی۔
کارروائی کے دوران بیلایت موٹر پارٹس نامی دکان کی تلاشی لی گئی، جہاں سے تقریباً 1600 لیٹر غیر قانونی طور پر ذخیرہ کیا گیا ڈیزل 8 ڈرموں میں برآمد ہوا۔
مزید پڑھیں: بنگلہ دیش کی ایران کے لیے ہنگامی طبی امداد ارسال
غیر قانونی ایندھن ذخیرہ کرنے کے الزام میں ایک شخص کو حراست میں لیا گیا۔ بعد ازاں ضبط شدہ ڈیزل اور زیر حراست شخص کو مزید قانونی کارروائی کے لیے ہاتیا پولیس اسٹیشن کے حوالے کر دیا گیا۔
حکام کا کہنا ہے کہ بنگلہ دیش نیوی کی جانب سے ایسی کارروائیاں جاری رہیں گی تاکہ مصنوعی قلت، مارکیٹ میں عدم استحکام اور ملک کی ایندھن سیکیورٹی کو نقصان پہنچانے کی کسی بھی کوشش کو روکا جا سکے۔
