صدر مملکت آصف علی زرداری نے لاہور میں نواب شہزاد علی خان کی صاحبزادی کی منگنی کی تقریب میں شرکت کی، جہاں انہوں نے میزبان خاندان کو مبارکباد دی۔
یہ بھی پڑھیں:صدر آصف علی زرداری کا دورہ چین، اعلیٰ سطح ملاقاتیں شیڈول
لاہور میں منعقد ہونے والی اس تقریب میں صدر مملکت آصف علی زرداری نے نواب شہزاد علی خان اور ان کے اہل خانہ کو اس خوشی کے موقع پر مبارکباد پیش کی اور منگنی کرنے والے جوڑے کے لیے نیک تمناؤں کا اظہار کیا۔
تقریب میں سیاسی و سماجی شخصیات کی بڑی تعداد نے شرکت کی۔ ان میں اسپیکر قومی اسمبلی سردار ایاز صادق، وفاقی وزیر راجہ حیات ہراج، پاکستان پیپلز پارٹی کے رکن صوبائی اسمبلی سید مرتضیٰ حسن اور سلمان شہباز شامل تھے۔
اس کے علاوہ لاہور کی کاروباری برادری کے نمایاں ارکان اور دیگر اہم شخصیات بھی تقریب میں موجود تھیں، جنہوں نے اس موقع پر جوڑے کے لیے نیک خواہشات کا اظہار کیا۔
تقریب خوشگوار ماحول میں منعقد ہوئی اور شرکاء نے میزبانوں کے حسنِ انتظام کو سراہا۔
