نائب وزیراعظم و وزیر خارجہ محمد اسحاق ڈار نے پیر کی شام مصر کے وزیر خارجہ بدر عبد العاطی سے ٹیلیفونک رابطہ کیا، جس میں خطے کی تازہ صورتحال پر تبادلۂ خیال کیا گیا۔
مصری وزیر خارجہ نے اس موقع پر نائب وزیراعظم کے سفارتی اقدامات اور خطے میں مکالمے کے فروغ کے لیے پاکستان کے مسلسل کردار کو سراہا۔
یہ بھی پڑھیں: پاکستان اور مصر کا دوطرفہ تعاون بڑھانے پر اتفاق: غزہ، کشمیر اور دہشتگردی پر مشترکہ مؤقف
بدر عبد العاطی نے مختلف علاقائی اور بین الاقوامی رہنماؤں کے ساتھ اپنی حالیہ رابطہ کاری سے بھی آگاہ کیا۔
DPM/FM Senator Mohammad Ishaq Dar @MIshaqDar50 spoke this evening with Egyptian Foreign Minister Badr Abdelatty @MFAEgOfficial, to exchange views on latest developments in the regional situation.
The Egyptian FM appreciated DPM/FM’s efforts and Pakistan’s continued role in… pic.twitter.com/On1DmlZ4m4
— Ministry of Foreign Affairs – Pakistan (@ForeignOfficePk) April 27, 2026
دونوں رہنماؤں نے اس امر پر زور دیا کہ خطے اور اس سے باہر امن و استحکام کے قیام کے لیے مسلسل سفارتی روابط اور مشاورت نہایت اہم ہے۔
مزید پڑھیں: خطے کے دفاع کے لیے پاکستان، مصر اور ترکیہ کو قائدانہ کردار ادا کرنا ہوگا، سفارتکار جاوید حفیظ
انہوں نے باہمی رابطے برقرار رکھنے اور تعاون کو مزید فروغ دینے کے عزم کا بھی اظہار کیا۔
یہ گفتگو ایسے وقت میں ہوئی ہے جب خطے میں بدلتی ہوئی صورتحال کے پیش نظر سفارتی سرگرمیوں میں تیزی دیکھی جا رہی ہے، جس میں پاکستان ایک فعال کردار ادا کر رہا ہے۔
