پاکستان اور سری لنکا کی افواج کے درمیان مشترکہ انسدادِ دہشت گردی کی مشق شیک ہینڈز II پیر کے روز سے تربیلا میں شروع ہو گئی ہے۔
آئی ایس پی آر کے مطابق 2 ہفتوں پر محیط اس مشق میں پاک فوج کے اسپیشل سروسز گروپ یعنی ایس ایس جی اور سری لنکا آرمی کی اسپیشل فورسز کے دستے حصہ لے رہے ہیں۔
یہ بھی پڑھیں: فِٹس ایئر کا پاکستان میں فلائٹ آپریشن، کولمبو لاہور پرواز کا آغاز
اعلامیے کے مطابق اس مشترکہ مشق کا مقصد باہمی تربیت کے ذریعے پیشہ ورانہ صلاحیتوں میں اضافہ کرنا اور دونوں دوست ممالک کے درمیان دیرینہ فوجی تعلقات کو مزید مضبوط بنانا ہے۔
Pakistan, Sri Lanka launch joint counter-terrorism exercise https://t.co/In2LBOHy1k via @Islamabad Post
— CENTRELINE (@CENTRELINE13) April 27, 2026
مشق کے دوران شریک افواج انسدادِ دہشت گردی آپریشنز میں اپنے تجربات اور مہارتوں کا تبادلہ کریں گی، جس سے نہ صرف آپریشنل استعداد بہتر ہوگی بلکہ باہمی ہم آہنگی اور سمجھ بوجھ میں بھی اضافہ ہوگا۔
مزید پڑھیں: کولمبو: پاکستان سری لنکا مشترکہ اقتصادی کمیشن کا 13واں اجلاس، مختلف شعبوں میں تعاون بڑھانے پر اتفاق
آئی ایس پی آر کا کہنا ہے کہ اس نوعیت کی مشترکہ سرگرمیاں دونوں ممالک کی افواج کے درمیان تعاون کو فروغ دینے اور مشترکہ چیلنجز سے نمٹنے کی صلاحیت کو مزید مؤثر بنانے میں اہم کردار ادا کرتی ہیں۔
