بھارتی کامیڈی کے معروف سپر اسٹار کپل شرما نے اپنے پروگرام کے دوران پاکستان کے لیجنڈری مزاحیہ اداکار امان اللہ خان کو خراجِ عقیدت پیش کرتے ہوئے ان کی فنی خدمات کو زبردست الفاظ میں سراہا۔
شو کے دوران گفتگو کرتے ہوئے کپل شرما نے ایک یادگار واقعہ شیئر کیا جس میں انہوں نے بتایا کہ ایک مرتبہ امان اللہ خان نے انہیں کہا تھا کہ مقابلہ عموماً ہیروز اور ہیروئنز کے درمیان ہوتا ہے جبکہ کامیڈینز کا اصل کام لوگوں کے چہروں پر مسکراہٹ بکھیرنا ہے۔ اس لیے انہیں اسی مقصد پر توجہ مرکوز رکھنی چاہیے۔
Kapil Sharma never forgets the Pakistani legend Amanullah Khan who inspired him 🇵🇰🙌🏻 pic.twitter.com/Q3KWbRsuwS
— Aaisha 🇵🇰 (@AaishaaSoomro) May 4, 2026
کپل شرما کے مطابق امان اللہ خان کا یہ بھی ماننا تھا کہ کسی کی بات پر زیادہ ہنسی آ سکتی ہے اور کسی پر کم لیکن آخر میں اصل کامیابی انسانوں میں خوشیاں بانٹنے میں ہے جو ایک نہایت اعلیٰ اور مثبت مقصد ہے۔
واضح رہے کہ امان اللہ خان کو جنوبی ایشیا میں اسٹیج کامیڈی کے بے تاج بادشاہوں میں شمار کیا جاتا ہے۔ انہوں نے اپنے شاندار کیریئر کے دوران ہزاروں پرفارمنسز دیں اور نہ صرف پاکستان بلکہ بھارت میں بھی ان کے مداحوں کی بڑی تعداد موجود ہے۔
