اقوامِ متحدہ میں پاکستان کے مستقل سفیر عاصم افتخار نے کہا ہے کہ معرکۂ حق کے بعد گزشتہ ایک سال کے دوران پاکستان عالمی سطح پر ایک مضبوط اور مؤثر ریاست کے طور پر ابھر کر سامنے آیا ہے۔
مزید پڑھیں:معرکہ حق کے بعد پاکستان مسلسل آگے بڑھ رہا ہے، اسلام آباد کے نوجوانوں کی رائے
نیویارک میں میڈیا سے گفتگو کرتے ہوئے انہوں نے کہا کہ پاکستان نہ صرف خطے بلکہ عالمی سطح پر استحکام اور امن کے فروغ میں اہم کردار ادا کر رہا ہے۔ ان کا کہنا تھا کہ آج دنیا پاکستان کے مؤقف کو توجہ اور سنجیدگی سے سن رہی ہے۔
عاصم افتخار نے کہا کہ امریکا اور ایران کے درمیان مذاکرات میں پاکستان کی کامیاب سفارتکاری نے عالمی برادری کی توجہ اپنی جانب مبذول کرائی ہے، جبکہ مختلف بین الاقوامی فورمز پر بھی پاکستان کا کردار نمایاں ہو رہا ہے۔
مزید پڑھیں:معرکہ حق: ’بھارت اب جنگ صرف فلموں میں لڑے گا‘، پاکستانی فنکاروں کا پاک فوج کو خراجِ تحسین
انہوں نے کہا کہ معرکۂ حق دراصل پاکستان کی اصولی، خودمختار اور قومی مفادات پر مبنی پالیسیوں کی علامت ہے، جس کے بعد ملک نے سفارتی محاذ پر نمایاں کامیابیاں حاصل کیں۔ ان کے مطابق پاکستان نے عالمی تنازعات میں متوازن کردار ادا کرتے ہوئے امن، مذاکرات اور تعاون کی پالیسی کو فروغ دیا، جس کے مثبت نتائج آج دنیا کے سامنے ہیں۔
