راولپنڈی کے تھانہ چونترہ کی حدود میں ایک ہی خاندان کے 9 افراد کے قتل کے مقدمے کا فیصلہ سنا دیا گیا۔
یہ بھی پڑھیں: پشاور: بچوں کے سامنے ماں باپ اور دادی کو پھانسی دینے اور ذبح کرنے کا واقعہ، تہرے قتل کے پیچھے کون؟
عدالت نے 4 ملزمان کی 5،5 مرتبہ سزائے موت برقرار رکھتے ہوئے 3 مجرموں کو 5،5 مرتبہ عمر قید کی سزا سنا دی۔
ایڈیشنل سیشن جج ماجد حسین گادھی نے مقدمے کا فیصلہ سناتے ہوئے ملزمان رب نواز، دانش اور اکرام کو مجموعی طور پر 5،5 بار عمر قید کی سزا دی۔ عدالت نے تمام مجرموں پر مجموعی طور پر 45 لاکھ روپے جرمانہ بھی عائد کیا جبکہ انہیں 14 سال قید کی اضافی سزا بھی بھگتنا ہو گی۔
مزید پڑھیے: صدر ٹرمپ خطرناک مجرموں کو سزائے موت دینے کے لیے فائرنگ اسکواڈ بحال کریں گے، امریکی محکمہ انصاف
عدالتی ریکارڈ کے مطابق ملزمان نے 25 جولائی 2020 کو گھروں میں داخل ہو کر ایک ہی خاندان کے 9 افراد کو بے دردی سے قتل کیا تھا۔ مقتولین میں 5 خواتین، 3 کمسن بچیاں اور ایک مرد شامل تھا۔
پولیس کے مطابق ملزمان نے پرانی دشمنی کا بدلہ لینے کے لیے یہ ہولناک واردات انجام دی تھی۔
یاد رہے کہ ہائیکورٹ نے ایک سال قبل مقدمہ دوبارہ سماعت کے لیے ریمانڈ کرتے ہوئے نئی فیصلہ سازی کا حکم دیا تھا۔
مزید پڑھیں: کورونا کے دوران گرفتار باپ بیٹے کی تشدد سے موت پر 9 پولیس اہلکاروں کو سزائے موت
عدالت نے مقدمے میں نامزد 5 ملزمان، قیصر، جاوید، وسیم، طاہر اور عابد کو شک کا فائدہ دیتے ہوئے بری کر دیا۔
