پاکستانی اداکارہ حبا بخاری کا کہنا ہے کہ انہیں جوائنٹ فیملی میں رہنا پسند ہے۔ اداکارہ نے یہ بھی کہا کہ ’میرے والدین نے مجھ سے کہا ہے کہ میں اپنے نئے گھر کی دیکھ بھال کروں لیکن اگر وہاں کوئی پریشانی ہو تو میں واپس آسکتی ہوں اور وہ ہر حال میں میرا ساتھ دیں گے‘۔
حبا بخاری ایک نوجوان اداکارہ ہیں جو بہت اچھا کام کر رہی ہیں اور ایک کے بعد ایک بہترین پروجیکٹس کا انتخاب کر رہی ہیں۔ وہ ایک ایسی بولڈ اداکارہ ہیں جو اپنی ذاتی زندگی سے متعلق واقعات بھی مداحوں کے ساتھ شیئر کرتی رہتی ہیں۔
حبا نے اداکار آریز احمد سے شادی کی ہے اور وہ دونوں ایک ساتھ خوبصورت زندگی گزار رہے ہیں۔
View this post on Instagram
ایک انٹرویو میں حبا بخاری نے شادیوں میں سمجھوتہ کرنے کی بات کرتے ہوئے کہا کہ معاشرے میں جس طرح کے سمجھوتہ کا پروپیگنڈا کیا جا رہا ہے وہ ایک الگ بات ہے لیکن سمجھ بوجھ ہونی چاہیے۔
انہوں نے کہا کہ وہ اپنے کام اور ذاتی زندگی میں توازن رکھتی ہیں۔
حبا بخاری نے انٹرویو میں اس معاملے پر بھی روشنی ڈالی کہ ’میرے والدین نے مجھے کہا ہے کہ میں اپنے نئے گھر کی دیکھ بھال کروں لیکن اگر مجھے کوئی چیز پریشان کر رہی ہو تو میں واپس آسکتی ہوں اور وہ ہر حال میں میرا ساتھ دیں گے۔
View this post on Instagram
حبا بخاری نے کہا وہ مشترکہ خاندان میں رہنا پسند کرتی ہیں، اسلام خواتین کو الگ گھر رکھنے کی اجازت دیتا ہے اور یہ بہت اچھی بات ہے لیکن اگر خاندان تعاون کرے اور آپ اچھے تعلقات استوار کریں تو مشترکہ خاندان میں رہنے میں بھی کوئی حرج نہیں۔
حبا بخاری ڈرامے بھولی بانو (2017ء)، سلسلے (2018ء)، ہارا دل (2018ء)، رمز عشق (2019ء)، دیوانگی (ڈراما) (2019ء) اور فتور (2021ء) میں اپنے مرکزی کرداروں کے لیے مشہور ہیں۔
