اسلام آباد میں نائب وزیر اعظم و وزیر خارجہ سینیٹر اسحاق ڈار سے ایران میں پاکستان کے نامزد سفیر عمران احمد صدیقی نے تہران روانگی سے قبل ملاقات کی۔
مزید پڑھیں:ایران کو کوئی رعایت دینے کے لیے تیار نہیں، انہیں جلد پتا چل جائےگا کہ کیا ہونے والا ہے، ڈونلڈ ٹرمپ
ملاقات کے دوران نائب وزیر اعظم نے پاکستان اور ایران کے درمیان تاریخی، ثقافتی اور برادرانہ تعلقات کا ذکر کرتے ہوئے دوطرفہ تعاون کو مزید وسعت دینے کے عزم کا اعادہ کیا۔ انہوں نے تجارت، علاقائی روابط، عوامی روابط اور علاقائی تعاون کے شعبوں میں تعلقات کو مزید مضبوط بنانے کی ضرورت پر زور دیا۔
سینیٹر اسحاق ڈار نے کہا کہ دونوں ممالک کے درمیان مثبت سفارتی رفتار کو برقرار رکھنے کے لیے قریبی رابطہ اور باہمی اعتماد انتہائی اہم ہے۔
انہوں نے خطے میں امن، مکالمے اور استحکام کے فروغ کے لیے پاکستان کے تعمیری اور ذمہ دارانہ کردار کو بھی اجاگر کیا اور امید ظاہر کی کہ نامزد سفیر عمران احمد صدیقی پاکستان اور ایران کے دیرینہ تعلقات کو مزید مستحکم بنانے میں اہم کردار ادا کریں گے۔
مزید پڑھیں: ٹرمپ ایران میں فوج بھیجیں گے تو امریکا میں سیاسی انقلاب آئے گا، مارجری ٹیلر گرین
نائب وزیر اعظم نے انہیں نئی ذمہ داریاں سنبھالنے پر نیک خواہشات کا اظہار بھی کیا۔
